గుర్తుతెలియని దుండగుల చేతిలో యువకుడి దారుణ హత్య..

దిశ, మామడ : గుర్తుతెలియని దుండగుల చేతిలో ఓ యువకుడు దారుణహత్యకు గురయ్యాడు. గురువారం మండలంలోని పొనకల్ గ్రామ శివారులోని అటవీ ప్రాంతంలో ఈ సంఘటన చోటుచేసుకుంది. పొన్కల్ గ్రామానికి చెందిన తాటికొండ వినోద్ (28) ట్రాక్టర్ డ్రైవర్ గా పని చేస్తున్నాడు. ఇతను గత మూడు రోజుల నుంచి కనిపించడం లేదని కుటుంబ సభ్యులు ఎక్కడ వెతికిన ఆచూకీ లభించలేదు.

పశువుల కాపర్లు వినోద్ శవాన్ని చూసి గ్రామస్తులకు, పోలీసులకు సమాచారం అందజేశారు. దీంతో సంఘటన స్థలానికి సీఐ నవీన్ కుమార్, ఎస్సై అశోక్ లు చేరుకొని వివరాలు సేకరిస్తున్నారు. సంఘటనా స్థలంలో దారుణ హత్యకు గురై విగీత జీవిగా పడిఉన్న వినోద్ ను చూసి అతని కుటుంబ సభ్యులు కన్నీరు మున్నీరుగా విలపించారు. ఈ సంఘటనకు సంబంధించిన పూర్తి వివరాలు తెలియాల్సి ఉంది.