చెల్లిని ముట్టుకున్నాడని.. కారు డ్రైవర్ను హత్య చేసిన అన్న.. ముక్కలు ముక్కలుగా నరికి.. సంచుల్లో నింపి..
ఉత్తరప్రదేశ్ కాన్పూర్లో దారుణం చోటు చేసుకుంది. చెల్లిని ప్రేమించాడని కారు డ్రైవర్ రిషికేశ్ను హత్య చేశాడు ఆమె సోదరుడు పవన్ మల్లా. చకేరీలోని శివకత్రాలో ఈ ఘటన జరిగింది. పవన్తో కలిసి దాదాపు 14 మంది ఈ మర్డర్లో పాల్గొన్నట్లు
దిశ, వెబ్ డెస్క్ : ఉత్తరప్రదేశ్ కాన్పూర్లో దారుణం చోటు చేసుకుంది. చెల్లిని ప్రేమించాడని కారు డ్రైవర్ రిషికేశ్ను హత్య చేశాడు ఆమె సోదరుడు పవన్ మల్లా. చకేరీలోని శివకత్రాలో ఈ ఘటన జరిగింది. పవన్తో కలిపి దాదాపు 14 మంది ఈ మర్డర్లో పాల్గొన్నట్లు.. ఈ ఘోరాన్ని వీడియో తీసినట్లు తెలిపారు పోలీసులు. ప్రస్తుతం నలుగురిని అదుపులోకి తీసుకోగా... ప్రధాన నిందితులు పరారీలో ఉన్నారు.
మర్డర్ ఎలా జరిగింది?
ఆగస్టు 29 రాత్రి రిషికేశ్ను గణేశ్ పండల్కు తీసుకెళ్లారు ఫ్రెండ్స్ మొగలి, నిఖిల్. ఆ తర్వాత అక్కడి నుంచి మోటార్ సైకిల్పై బలవంతంగా కూర్చోపెట్టుకుని.. కాన్పూర్ శివారులో ఉన్న కాకోరీ అడవికి తీసుకెళ్లారు. అక్కడ అప్పటికే పవన్ మిగతా స్నేహితులతో కలిసి వెయిట్ చేస్తున్నాడు. ముందుగా రిషికేశ్ను కట్టేసి కొట్టి.. ఆ తర్వాత తల నరికినట్లు తెలుస్తోంది. ఈ చేతితోనే తన సోదరిని తాకాడని చేయి నరికి, గొంతు చీల్చినట్లు సమాచారం. తర్వాత ముక్కలు ముక్కలుగా నరికి సంచుల్లో చుట్టి గంగా నదిలో పడేశారు. మరోవైపు రిషికేశ కుటుంబం 30న మిస్సింగ్ కేసు నమోదు చేయగా.. పోలీసులు దర్యాప్తు చేస్తున్నారు. ఈ క్రమంలోనే సెప్టెంబర్ 1న గంగా నదితీరంలో తల లేకుండా బాడీ లభ్యమైంది. కుటుంబ సభ్యులు అది రిషికేశ్ బాడీ అని గుర్తించారు. సీసీటీవీ ఫుటేజీ ద్వారా రిషికేశ్ మర్డర్ కేసును చేధించిన పోలీసులు.. ప్రధాన నిందితులను త్వరలోనే పట్టుకుంటామని తెలిపారు.
