శంషాబాద్ ఎయిర్‌పోర్టుకు బాంబు బెదిరింపు.. కొనసాగుతోన్న తనిఖీలు

దిశ, వెబ్‌డెస్క్: దేశవ్యాప్తంగా ఎయిర్‌పోర్టులు, పాఠశాలలు, న్యాయస్థానాలకు ఆగంతకుల నుంచి బాంబు బెదిరింపు కాల్స్ రావడం సర్వసాధారణమైపోయింది. ఈ క్రమంలోనే ఈ రోజు ఉదయం శంషాబాద్ ఇంటర్నేషనల్ ఎయిర్‌పోర్టు (Shamshabad Airport)లో బాంబు పెట్టామంటూ ఓ ఆగంతకుడు అధికారులకు మెయిల్ పంపాడు. దీంతో అప్రమత్తమైన సీఐఎస్‌ఎఫ్ (CISF) సిబ్బంది ఎయిర్‌పోర్టుతో పాటు పరిసర ప్రాంతాల్లో విస్తృతంగా తనిఖీలు చేపడుతున్నారు. ఢిల్లీ బాంబు బ్లాస్ట్ (Delhi Bomb Blast) నేపథ్యంలో క్షుణ్ణంగా అనుమానిత వస్తువులను పరిశీలిస్తున్నారు. ప్రస్తుతం సందర్శకుల పాస్ కౌంటర్లను మూసివేశారు.