క‌డ‌ప‌లో మ‌ద్యం మ‌త్తులో యువ‌కుడి వీరంగం.. రోడ్డుకు అడ్డంగా కారు పెట్టి హ‌ల్‌చల్

దిశ, వెబ్ డెస్క్: కడపలో మద్యం మత్తులో ఓ యువకుడు వీరంగం సృష్టించాడు. న‌డీరోడ్డుకు అడ్డంగా కారు పెట్టి దానిపైకి ఎక్కి హల్ చ‌ల్ చేశాడు. త‌న కూతురుపై రేప్ చేశార‌ని, ఆమె చ‌నిపోయింద‌ని హంగామా సృష్టించాడు. ప‌వ‌న్ క‌ళ్యాణ్‌ను ఎక్కడ చంపేస్తారో అనే భయంతోనే టీడీపీ అంటే ఇష్టం లేకపోయినా ఓట్లు వేశామని చెప్పాడు. తమ కుటుంబం వైఎస్ కుటుంబానికి వీరాభిమానులం అంటూ అసలు పొంతనలేని సమాధానాలు చెప్పాడు. రోడ్డుపై ప్రయాణికులను అడ్డుకుంటూ వారికి ఇబ్బందులు కలిగించాడు. చివరికి పోలీసులకు ఫిర్యాదు చేయడంతో రంగంలోకి దిగి అతడిని అదుపులోకి తీసుకున్నారు. అనంతరం అక్కడ నుండి పోలీస్ స్టేషన్‌కు తరలించారు. దీనికి సంబంధించిన వీడియో సోషల్ మీడియాలో వైరల్ అవ్వడంతో అతడిపై కఠిన చర్యలు తీసుకోవాలని నెటిజన్లు కామెంట్లు చేస్తున్నారు.