ఆబిడ్స్ లో వ్యక్తి మృతి.. కారణం అదే

దిశ, తెలంగాణ బ్యూరో: సోమవారం సాయంత్రం కురిసిన వర్షానికి ఓ వ్యక్తి బలయ్యాడు. ఈ విషాదం ఆబిడ్స్ లో జరిగింది. ఎడతెరిపి లేకుండా వాన కురుస్తుండటంతో ఫరీద్ అనే వ్యక్తి ఆబిడ్స్ లో ఓ గోడ పక్కన నిలబడ్డాడు. అదే సమయంలో జోరుగా గాలి వీయటంతో గోడపై ఉన్న రేకులు అతనిపై పడ్డాయి. దాంతో తీవ్రంగా గాయపడ్డ ఫరీద్ అక్కడికక్కడే మరణించాడు. విషయం తెలిసి అక్కడికి వెళ్లిన పోలీసులు మృతదేహాన్ని ఉస్మానియా ఆస్పత్రి మార్చురీకి తరలించారు.