సూర్యాపేటలో తీవ్ర విషాదం.. కారు విండో గ్లాస్‌లో తల ఇరుక్కుని చిన్నారి మృతి

దిశ, వెబ్‌డెస్క్: సూర్యాపేట జిల్లా అనంతగిరిలో తీవ్ర విషాద ఘటన చోటు చేసుకుంది. కారు విండో గ్లాస్‌లో తల ఇరుక్కుని ఓ చిన్నారి మృతి చెందింది. వివరాల ప్రకారం.. ఇంద్రజ అనే చిన్నారి కారు వెనుక సీటులో కూర్చొని తల బయటకు పెట్టి చూస్తోంది. అయితే, ఇది గమనించని డ్రైవర్ అదే సమయంలో కారు విండో డోర్ క్లోజ్ చేశాడు. దీంతో కారు గ్లాస్ మధ్యలో మెడ ఇరుక్కుని చిన్నారి ఇంద్రజ మృతి చెందింది. పాప మృతికి కారణమైన కారు డ్రైవర్‌పై మృతురాలి తల్లిదండ్రులు పోలీసులకు ఫిర్యాదు చేశారు. కాగా, ఈ ఘటనకు సంబంధించిన పూర్తి వివరాలు తెలియాల్సి ఉంది.