కోరుట్లలో క‌ల‌క‌లం..5 ఏళ్ల బాలిక అనుమానాస్ప‌ద మృతి

దిశ, కోరుట్ల : కోరుట్ల పట్టణంలో హృదయ విదారక సంఘటన చోటు చేసుకుంది. ప్రతి ఒక్కరిని కలిచి వేసే ఈ సంఘటనతో ఒక్కసారిగా కాలనీవాసులు భయభ్రాంతులకు గురయ్యారు. స్థానికులు తెలిపిన వివరాల ప్రకారం.. పట్టణంలోని ఆదర్శ నగర్ కాలానికి చెందిన ఆకుల రాము - కూతురు హితిక్ష (5) సాయంత్రం నుండి కనిపించకుండాపోయింది. కుటుంబ సభ్యులు వెతికినప్పటికీ ఆచూకీ లభించలేదు. ఇంతలో పక్కింటి బాత్రూంలో శవమై కనిపించింది. ఈ సంఘటన కోరుట్ల పట్టణ ప్రజలను కలిచి వేసింది. సమాచారం తెలుసుకున్న పోలీసులు ఘటన స్థలానికి చేరుకుని విచారణ చేపడుతున్నారు. బాలిక మృతికి గల పూర్తి వివరాలు తెలియాల్సి ఉంది.