జగిత్యాలలో దొంగల హల్ చల్

దిశ, కోరుట్ల: జగిత్యాల జిల్లా కేంద్రంలో ఆదివారం రాత్రి దొంగలు హల్ చల్ చేశారు. పట్టణంలోని బైపాస్ రోడ్డు, అంగడి, బీట్ బజార్ ప్రాంతాల్లో మెడికల్ షాపుల్లో దొంగతనానికి తెగబడ్డారు. అలాగే మార్కండేయ టెంపుల్ ఎదురుగా ఉన్న మెన్స్ వేర్ లో షెట్టర్లను తెరిచి చోరీకి పాల్పడ్డారు. స్థానికుల ద్వారా విషయం తెలుసుకున్న పట్టణ పోలీసులు ఘటనా స్థలానికి చేరుకొని విచారణ జరిపారు. క్లూస్ టీం ద్వారా ఘటనా స్థలంలో వేలిముద్రలను సేకరించారు. ముగ్గురు దొంగలు ఓ కారులో వచ్చి దొంతననికి పాల్పడినట్లు సీసీ కెమెరాల్లో రికార్డయింది. ఫుటేజ్ అధారంగా దొంగలను గుర్తించే పనిలో పోలీసులు నిమగ్నమయ్యారు.