ఫ్రీ క్వారంటైన్.. పేదలకు ఉచితంగా కొవిడ్ సేవలు
దిశ, తెలంగాణ బ్యూరో : కొవిడ్ కష్టకాలంలో పేదలకు అండగా ఉండేందుకు సీపీఐ(ఎం) ముందుకొచ్చింది. కరోనా లక్షణాలు, పాజిటివ్ కేసులతో ఇబ్బందులు పడుతున్న వారికి తగిన వైద్య సహాయంతో పాటు ఆర్థికంగా వెసులుబాటు కలిగించేలా ఉచిత క్వారంటైన్ సేవలను అందించనుంది. ఇందుకోసం బాగ్లింగంపల్లిలోని సుందరయ్య విజ్ఞాన కేంద్రంలో ఏర్పాట్లు చేసింది. కొవిడ్లక్షణాలతో బాధపడే ఎవరైనా ఇక్కడ సర్వీసును ఉచితంగా పొందవచ్చు.
హైదారాబాద్‌లోని సుందరయ్య విజ్ఞాన కేంద్రంలో 25 బెడ్స్‌తో కొవిడ్ ఐసోలేషన్ సెంటర్‌ను సోమవారం ప్రారంభించారు. కొవిడ్లక్షణాలతో, ఇంటి వద్ద హోం ఐసోలేషన్ ఉండలేని వారికి అండగా నిలిచేందుకు ఈ కేంద్రాన్ని ఏర్పాటు చేసినట్టు నిర్వాహకులు తెలిపారు. ఈ సెంటర్‌లో ఎప్పుడూ నర్సులు అందుబాటులో ఉంటుండగా.. పది మంది వైద్యులు పర్యవేక్షిస్తుంటారు. వైద్య సహాయం అవసరమైన పేషంట్లు వర్చువల్పద్ధతిలో డాక్టర్లను సంప్రదించి సలహాలు, మెడిసిన్స్‌పై సమాచారం పొందవచ్చు. ఇక్కడ చేరిన వారందరికీ ఉచితంగా భోజనం, స్నాక్స్, డ్రై ఫ్రూట్స్ వంటివి అందిస్తారు. ఉచితంగానే బెడ్, మెయింటెనెన్స్, డాక్టర్ కన్సల్టెంట్ కూడా లభిస్తుంది. కొవిడ్ కష్టకాలాన్ని ఎదుర్కొంటున్న వారికి అండగా ఉండేందుకు.. వారు ఇక్కడ చేరినప్పటి నుంచి వెళ్లిపోయేంత వరకూ వసతి, మెడిసిన్స్ పూర్తిగా ఉచితంగా అందిస్తున్నారు.
ఒక్కోక్కరికి రూ.10 వేలకు పైగానే..
కొవిడ్ ఐసోలేషన్ ప్రస్తుతం 14 రోజులు ఉంటుంది. ఈ కాలంలో భోజనం, మెడిసిన్స్, స్నాక్స్, డ్రై ఫ్రూట్స్వంటి వాటి కోసమే రూ.10 వేలు అవుతుందని అంచనా.. ఆస్పత్రిలో, ప్రైవేట్హోటళ్లు వంటి వాటిలో ఉంటే రోజుకు రూం అద్దె, హౌజ్కీపింగ్అదనం. ఇక డాక్టర్లు, నర్సులు, మెడిసిన్స్ కలుపుకుంటే ఈ మొత్తాన్ని భరించడం కూడా కష్టమే.. నగరంలో ఎక్కువగా ఉండే పేద, మధ్య తరగతి కుటుంబాలకు ఈ భారాన్ని తప్పించేందుకు పూర్తిగా ఉచితంగా ఇస్తుండటంతో ఆ మేరకు వారికి ఖర్చును తప్పిస్తున్నారు. రానున్న కాలంలో బెడ్స్, సెంటర్ల సంఖ్య కూడా పెంచాలని భావిస్తున్నారు. పేదల కోసం ఉచితంగా నిర్వహిస్తున్న ఈ కొవిడ్ఫ్రీ క్వారెంటైన్సెంటర్ కోసం స్వచ్ఛందంగా దాతలు తమ సహకారాన్ని కూడా అందించవచ్చు.
