శుభవార్త.. కోతులపై వ్యాక్సిన్ విజయవంతమైంది

దిశ, వెబ్ డెస్క్: యావత్ ప్రపంచాన్ని గజగజ వణికిస్తోన్న కొవిడ్-19 భూతాన్ని కట్టడి చేసేందుకు ప్రపంచ దేశాలు సకల ప్రయత్నాలు చేస్తున్నాయి. అందులో భాగంగా కరోనా వ్యాక్సిన్ ను అభివృద్ధి చేసేందుకు దేశాలు ముమ్మర ప్రయత్నాలు చేస్తున్నాయి. వ్యాక్సిన్ ను కనుగొనేందుకు ప్రయోగశాలలో రేయింబవళ్లు కష్టపడుతున్నారు. ఈ నేపథ్యంలో బ్రిటన్ లోని ఆక్స్ ఫర్డ్ యూనివర్సిటీ ఓ శుభవార్త చెప్పింది. తాము కోతులపై ప్రయోగించిన ‘సీహెచ్ఏడీఓఎక్స్1 ఎన్సీఓవీ-19’ వ్యాక్సిన్ సత్ఫలితాలనిచ్చిందని పేర్కొన్నది. వ్యాక్సిన్ వల్ల కోతుల్లో ఎలాంటి దుష్ర్పభావాలు, ఇతర సమస్యలేవీ కనిపించలేదని తెలిపింది. అదేవిధంగా ఈ యూనివర్సిటీ మనుషులపై కూడా ప్రయోగ పరీక్షలను కొనసాగిస్తున్న విషయం విధితమే.