యాదగిరిగుట్టలో కాంగ్రెస్‌కు షాక్.. టీఆర్ఎస్‌లో భారీగా చేరికలు

దిశ, యాదగిరిగుట్ట: యాదగిరిగుట్ట మండలం సాదువెళ్లి గ్రామానికి చెందిన కాంగ్రెస్ నాయకులు కార్యకర్తలు బుధవారం భారీగా అధికార టీఆర్ఎస్ పార్టీలో చేరారు. వీరికి డీసీసీబీ చైర్మన్ గొంగిడి మహేందర్ రెడ్డి కండువా కప్పి పార్టీలోకి ఆహ్వానించారు. ఈ సందర్భంగా వారు మాట్లాడుతూ.. టీఆర్ఎస్ ప్రభుత్వం ప్రవేశపెడుతున్న సంక్షేమ పథకాలు, ఎమ్మెల్యే గొంగిడి సునితా రెడ్డి చేస్తోన్న అభివృద్ధి కార్యక్రమాలను చూసే తాము టీఆర్ఎస్‌లో చేరామని వెల్లడించారు. దాదాపు వందమందికి పైగా టీఆర్ఎస్‌లో చేరారు. ఈ కార్యక్రమంలో ఆలేరు వ్యవసాయ మార్కెట్ కమిటీ చైర్మన్ గడ్డమీది రవీందర్ గౌడ్, యాదగిరిగుట్ట మండల టీఆర్ఎస్ అధ్యక్షులు కర్రె వెంకటయ్య, జెడ్పీటీసీ అనురాధ, కాసావు శ్రీనివాస్ గౌడ్, పాపట్ల నరహరి, మిట్ట వెంకటయ్య, యాదగిరిగుట్ట మున్సిపల్ కౌన్సిలర్లు తదితరులు పాల్గొన్నారు.