ఖాతా తెరిచిన కాంగ్రెస్..

దిశ ప్రతినిధి, రంగారెడ్డి : ఉప్పల్ నియోజకవర్గంలోని ఏఎస్ రావు నగర్ డివిజన్ లో కాంగ్రెస్ పార్టీ తొలి విజయాన్ని తన ఖాతాలో వేసుకుంది. టీఆర్ఎస్ అభ్యర్ధి పావని రెడ్డిపై ఉన్న వ్యతిరేకతే కాంగ్రెస్‌కు కలిసి వచ్చిందని స్థానిక నేతలు చెబుతున్నారు.

ఈ డివిజన్‌లో కాంగ్రెస్ పార్టీ గెలుస్తుందనే అంచనాలు లేవని వారు అభిప్రాయం వ్యక్తంచేశారు. కానీ, కాంగ్రెస్ వర్కింగ్ ప్రెసిడెంట్, మల్కాజిగిరి ఎంపీ రేవంత్ రెడ్డి ప్రోత్సహంతోనే కాంగ్రెస్ అభ్యర్ధిని బరిలోకి దించినట్లు చెప్పారు. శిరీషా రెడ్డి గెలుపుతో హస్తం నేతల్లో నూతనోత్సాహం కనిపిస్తోంది.