మొక్కల తొలగింపుపై కలెక్టర్ ఆగ్రహం

దిశ, మెదక్: హరితహారం పథకాన్ని ప్రభుత్వం ప్రతిష్టాత్మకంగా నిర్వహిస్తున్న సంగతి తెలిసిందే. అయితే ట్రాన్స్‌కో సిబ్బంది విద్యుత్ తీగలకు అడ్డంగా ఉన్నఅవెన్యూ ప్లాంటేషన్ చెట్లను తొలగించారు. ఈ ఘటన పాపన్నపేట మండలం పోడ్చన్ పల్లిలో చోటుచేసుకుంది. రోడ్డుకు ఇరువైపు ఉన్న అవెన్యూ ప్లాంటేషన్ చెట్లు ఏపుగా పెరిగి తీగలకు అడ్డంగా ఉన్నాయి. దీంతో మొక్కల కొమ్మలను తొలగిస్తే సరిపోయేదానికి ఏకంగా మొక్కలను తొలగించారు. ఈ విషయం తెలుసుకున్న కలెక్టర్ ధర్మారెడ్డి ట్రాన్స్‌కో సిబ్బందిపై ఆగ్రహం వ్యక్తం చేశారు. అటవీ శాఖ వాల్టా చట్టం ప్రకారం రూ.4 వేల జరిమానా విధించడంతో పాటు అదే స్థలంలో మొక్కలను నాటాలని వారికి ఆదేశాలు జారీ చేశారు.

Tags: collector, transco staff, harithaharm, medak, forest act, ts news