నువ్వే నా ప్రపంచం.. నువ్వు లేకుండా ఈ జీవితాన్ని ఊహించుకోలేను.. బిగ్ బాస్ బ్యూటీ ఎమోషనల్ పోస్ట్

దిశ, వెబ్‌డెస్క్: బిగ్‌బాస్ ఫేమ్ ఆర్జే కాజల్(RJ Kajal) గురించి స్పెషల్‌గా చెప్పాల్సిన పనిలేదు. ఈ అమ్మడు హౌస్‌లో ఉన్నప్పుడే తన గేమ్ స్ట్రాటజీతో టాప్ 5 వరకు వెళ్లింది. కానీ విన్నర్ కాలేకపోయింది. అయినప్పటికీ ఫుల్ పాపులారిటీ మాత్రం సంపాదించుకున్నది. మానస్(Manas), సన్నీ(Sunny)తో మంచి బాండింగ్ క్రియేట్ చేసుకుని అభిమానుల్లో మంచి గుర్తింపు సంపాదించుకున్నది. ఇక హౌస్ నుంచి బయటకు వచ్చాక బుల్లితెరపై పలు షోలలో పాల్గొంటూ సందడి చేస్తుంది. అలాగే నిత్యం సోషల్ మీడియా(Social Media)లో యాక్టీవ్‌గా ఉంటూ అభిమానులకు దగ్గరవుతూ ఉంటుంది. ఈ క్రమంలో ఈ బ్యూటీ పోస్ట్ నెట్టింట వైరల్ అవుతోంది.

తాజాగా కాజల్ తన ఇన్‌స్టా(Instagram)లో ఓ ఎమోషనల్ పోస్ట్ షేర్ చేసింది. అందులో.. ‘“2025 నా హృదయంలో ఎప్పుడూ ఒక ప్రత్యేక స్థానాన్ని కలిగి ఉంటుంది. ఎందుకంటే ఈ సంవత్సరం, మేము మా జీవితంలోని అతిపెద్ద మైలురాళ్లలో ఒకదాన్ని దాటాము. మేము మా కలల ఇంటిని నిర్మించుకున్నాం. ఇంకా మేము మారలేదు. కానీ కలిసి అడుగు వేయడం కోసం చేయి చేయి కలిపి మన కలను నిజం చేసుకున్నాము. ఒకప్పుడు చీకట్లు గుసగుసలాడుకునేవాళ్లం. ఇప్పుడవే గుసగుసలను ఒక్కొక్కటిగా గుర్తు చేసుకుంటుంటే సంతోషంగా అనిపిస్తుంది. అలా అని మనమెప్పుడూ ఎంతో సంతోషంగా ఉండేవాళ్లం కాదు.

మనం చాలాసార్లు గొడవ పడ్డాం. ఇంటీరియర్స్, రంగులు, కుషన్లు, సమయాల గురించి… కొన్నిసార్లు చాలా తెలివి తక్కువ విషయాల గురించి గొడవ పెట్టుకున్నాం. కానీ మనకు ఒక రోజులో ఎన్ని గొడవలు వచ్చినా, ఎప్పటికీ మారని ఒక విషయం ఉంటుంది. మనం నిద్రపోయే ముందు దాన్ని ఎల్లప్పుడూ పరిష్కరించుకుంటాము. ప్రతి రాత్రి శాంతి, కౌగిలింతలు , మనకు ఉన్న ప్రేమ కంటే ఏ పోరాటం పెద్దది కాదనే నిశ్శబ్దమైన, చెప్పలేని అనుభూతితో ముగుస్తుంది. కొన్నిసార్లు పిచ్చివాళ్లలా నవ్వుకున్నాము. ఒకరినొకరు పట్టుకుంటాము. కొట్టుకుని అంతలోనే కలిసిపోయే వాళ్లం. మన బంధాన్ని మరింత ధృడంగా నిర్మించుకున్నాం.

నువ్వు లేని జీవితం ? అన్న ఆలోచనను కూడా నా దరిదాపుల్లోకి రానివ్వను. ఈ జీవితాంతం కలిసి ఉండటానికి, పక్కపక్కనే సమాధి కావాలని కోరుకోవడం గురించి మనం తరచుగా జోక్ చేసుకుంటూ ఉంటాము. అంత గొప్ప ప్రేమను మనం ఒకరికొకరం పంచుకున్నాం. నువ్వే నా ప్రపంచం.. నువ్వు నా కోసమే పుట్టావు. నా భర్తగా దొరికినందుకు థాంక్యూ ” అంటూ రాసుకొచ్చింది కాజల్. ప్రస్తుతం ఈ పోస్ట్ నెట్టింట వైరల్‌గా మారింది. కాగా ఈ ముద్దుగుమ్మ విజయ్ శీలం శెట్టి అనే వ్యక్తిని లవ్ మ్యారేజ్ చేసుకున్నట్లు బిగ్‌బాస్ హౌస్‌లో షేర్ చేసుకున్న సంగతి తెలిసిందే. Link