'ఆదర్శ కుటుంబం'లో యోగి బాబు.. త్రివిక్రమ్ ప్లాన్ అదిరింది
వెంకటేష్ - త్రివిక్రమ్ కాంబోలో రూపొందుతున్న ఆదర్శ కుటుంబం చిత్రంలో తమిళ నటుడు యోగి బాబు కనిపించబోతున్నట్లు విశ్వసనీయ వర్గాల నుండి సమాచారం అందుతోంది.
దిశ, వెబ్ డెస్క్ : విక్టరీ వెంకటేష్ ప్రస్తుతం త్రివిక్రమ్ శ్రీనివాస్ దర్శకత్వంలో రూపొందుతున్న ఆదర్శ కుటుంబం అనే పక్కా ఫ్యామిలీ ఎంటర్టైనర్లో హీరోగా నటిస్తున్న విషయం మనకు తెలిసిందే. ఈ మూవీలో కేజీఎఫ్ బ్యూటీ శ్రీనిధి శెట్టి హీరోయిన్గా నటిస్తుంది. గతంలో వెంకటేష్ హీరోగా రూపొందిన నువ్వు నాకు నచ్చావ్, మల్లీశ్వరి చిత్రాలకు త్రివిక్రమ్ కథ, మాటలు, స్క్రీన్ ప్లే అందించాడు. ఈ రెండు సినిమాలు కూడా మంచి విజయాలను సాధించాయి. దాంతో వీరిద్దరి కాంబోలో రూపొందుతున్న ఆదర్శ కుటుంబం చిత్రంపై ప్రేక్షకుల్లో భారీ అంచనాలు ఉన్నాయి.
పక్కా ఫ్యామిలీ ఎంటర్టైనర్ కావడంతో త్రివిక్రమ్ తన ఓల్డ్ స్టైల్లోనే ఈ సినిమాను ఫుల్ ఫన్ వేలో ముందుకు తీసుకువెళ్తున్నట్లు తెలుస్తోంది. అందులో భాగంగా ఈ సినిమాలో చాలామంది కమెడియన్లు కూడా భాగం అయినట్లు తెలుస్తోంది. తమిళ సినీ పరిశ్రమలో అద్భుతమైన గుర్తింపు కలిగిన కమెడియన్లలో యోగి బాబు ఒకరు. ఈ నటుడు ఇప్పటివరకు అడపాదడపా తెలుగు సినిమాల్లో నటించినప్పటికీ ఈయనకు స్ట్రెయిట్ తెలుగు మూవీ ద్వారా మాత్రం అద్భుతమైన క్రేజ్ దక్కలేదు.
ఇక ప్రస్తుతం ఈయన ఆదర్శ కుటుంబం సినిమాలో అద్భుతమైన పాత్రలో కనిపించబోతున్నట్లు, ఈయనపై చాలా కామెడీ సన్నివేశాలు త్రివిక్రమ్ ప్లాన్ చేసినట్లు తెలుస్తోంది. ఈ సినిమా గనుక మంచి విజయం సాధించినట్లయితే యోగి బాబుకి తెలుగులో కూడా భారీ స్థాయి ఏర్పడే అవకాశాలు ఉన్నట్లు తెలుస్తోంది. ఈ సినిమాలో సత్య కూడా ఉన్నట్లు, ఈయనపై కూడా కామెడీ బాగా వర్కౌట్ అవుతున్నట్లు తెలుస్తోంది.
