Yami Gautam: హీరోయిన్ అంటే ఎందుకు అంత చులకన.. అది అడగడం కూడా తప్పేనా?

దిశ, వెబ్ డెస్క్: బాలీవుడ్ బ్యూటీ యామి గౌతమ్ షూటింగ్ సమయాలపై తాజాగా తీవ్రస్థాయిలో కామెంట్స్ చేసింది. ఈమె చేసిన వ్యాఖ్యలు ప్రస్తుతం వైరల్ అవుతున్నాయి. యామి గౌతమ్ మాట్లాడుతూ... సినిమా షూటింగ్ అనేది ఒక పక్కా ప్రణాళిక ప్రకారం జరగాలి, అందరికీ ఉన్నట్లే మాకు కూడా ఒక ఫ్యామిలీ, పర్సనల్ లైఫ్ ఉంటుంది. చాలా సంవత్సరాల నుండే హీరోలు కేవలం రోజుకి ఎనిమిది గంటలు మాత్రమే షూటింగ్ చేస్తారు. అలాగే వారంలో ఐదు రోజులు మాత్రమే షూటింగ్లో పాల్గొంటారు. మిగతా రెండు రోజులు వారు తమ కుటుంబానికి, వ్యక్తిగత జీవితానికి కేటాయిస్తారు. ఇది దర్శక, నిర్మాతల మధ్య ఉండే అవగాహన. ఇదే విషయాన్ని హీరోయిన్లు అడిగితే మాత్రం దాన్ని తప్పుపడుతున్నారు.

హీరోల మాదిరి వారికి పర్సనల్ జీవితం ఉండదా? వారు కూడా రోజుకు 8 గంటల పాటు షూటింగ్ చేసి, వారంలో ఐదు రోజులు షూటింగ్లో పాల్గొని మిగతా రెండు రోజులు కుటుంబంతో గడపాలి అనుకుంటారు కదా? వారికి, వీరికి ఉన్న తేడా ఏమిటి? అని ప్రశ్నించింది. ఏ రంగంలో ఉన్న మహిళలకైనా సరే ఎలాంటి బాధ్యతలు ఉంటాయో మాకు కూడా అవే బాధ్యతలు ఉంటాయి. మాకు కూడా ఫ్యామిలీతో గడపాలని ఉంటుంది, అవుట్ డోర్ షూటింగ్స్, పర్మిషన్స్ వీటన్నింటి మధ్య అనుకున్నది అనుకున్నట్లు జరగకపోవచ్చు, కానీ టైమ్ సెన్స్ అనేది ఎంతో ముఖ్యం అని ఈ ముద్దుగుమ్మ కామెంట్స్ చేసింది. తాజాగా ఈ బాలీవుడ్ యంగ్ బ్యూటీ చేసిన ఈ కామెంట్స్ పెద్ద ఎత్తున వైరల్ అవుతున్నాయి.