‘అనగనగా ఒక రాజు’ నుంచి వెడ్డింగ్ సాంగ్ వచ్చేస్తుందోచ్.. వీడియో వైరల్

దిశ, వెబ్‌డెస్క్: మిస్‌ శెట్టి మిస్టర్ పొలిశెట్టి సినిమా తర్వాత న‌వీన్ పొలిశెట్టి (Naveen Polishetty) న‌టిస్తున్న తాజా చిత్రం అన‌గ‌న‌గా ఒక రాజు (Anaganaga Oka Raju). ఈ సినిమాకు మారి ద‌ర్శ‌క‌త్వం వ‌హిస్తుండ‌గా.. సితార ఎంట‌ర్‌టైన్ మెంట్స్ నిర్మిస్తున్న ఈ మూవీలో మీనాక్షి చౌదరి ఫీ మేల్ లీడ్ రోల్‌లో న‌టిస్తోంది. శ్రీకర స్టూడియోస్‌ సమర్పణలో వస్తోన్న ఈ చిత్రాన్ని ఫార్చ్యూన్ ఫోర్‌ సినిమాస్‌ కో ప్రొడ్యూస్ చేస్తుంది.

మిక్కీ జే మేయర్‌ మ్యూజిక్ డైరెక్ట‌ర్‌గా ప‌నిచేస్తున్నాడు. ఈ చిత్రం తాజాగా విడుద‌ల తేదీని ప్ర‌క‌టించింది. సంక్రాంతి కానుక‌గా.. జ‌న‌వరి 14 న ఈ చిత్రం ప్రేక్ష‌కుల ముందుకు రాబోతున్న‌ట్లు చిత్ర‌బృందం వెల్ల‌డించింది. ఇందులో భాగంగా వరుస అప్డేట్స్ ఇస్తూ సినిమాపై మరింత హైప్ పెంచుతుంది.

ఈ క్రమంలో ఈ సినిమా నుంచి సెకెండ్ సింగిల్ ‘రాజు గారి పెళ్లిరో’ సాంగ్ ఈ ప్రోమో ఈరోజు రిలీజ్ కానుంది. ఈమేరకు సోషల్ మీడియాలో ఓ పోస్టర్‌ను రిలీజ్ చేస్తూ.. ‘అందరి దృష్టి డ్యాన్స్ ఫ్లోర్ పైనే ఉంది.. సంవత్సరం పెళ్లి పాట #రాజుగారిపెళ్లిరో ఈరోజు విడుదల కానుంది.. జనవరి 14, 2026న ప్రపంచవ్యాప్తంగా విడుదల కానుంది’ అని రాసుకొచ్చారు. అలాగే ఓ వీడియో క్లిప్‌ను యాడ్ చేశారు. ఇక పోస్టర్‌లో హీరో హీరోయిన్స్ పార్టీలో డ్యాన్స్ చేస్తున్నారు. ప్రస్తుతం ఇందుకు సంబంధించిన పోస్ట్ నెట్టింట వైరల్‌గా మారింది.