WAR 2 వర్రీ.. ఇక బీటౌన్ లో తుస్సేనా..?

దిశ, వెబ్‌డెస్క్ : యష్ రాజ్ ఫిలిమ్స్ నిర్మిస్తున్న భారీ యాక్షన్ థ్రిల్లర్ WAR 2 తాజాగా విడుదల చేసిన టీజర్‌తో ఊహించని వివాదంలో చిక్కుకుంది. ఇందులో హీరో ఉచ్చరించిన ఓ పవర్‌ఫుల్ డైలాగ్.. బాలీవుడ్ సూపర్‌స్టార్ సల్మాన్ ఖాన్ వాంటెడ్ సినిమాలోని ప్రసిద్ధ డైలాగ్‌ను తలపిస్తోందంటూ అభిమానులు మండిపడుతున్నారు.

టీజర్‌లో హృతిక్ రోషన్ యా టూ మరేంగా, యా మరే యంగా! అని చెప్పే డైలాగ్, 2009లో విడుదలైన సల్మాన్ ఖాన్ హిట్ చిత్రం వాంటెండ్ లోని "ఏక్ బార్ జో మై కమీట్ కర్తా హూంన్, ఫిర్ మై అప్నే ఆప్కీ భీ నహీ సున్తా!" తరహాలో వినిపిస్తోందంటూ నెటిజన్లు సోషల్ మీడియాలో తీవ్రంగా స్పందిస్తున్నారు. ఇది కాపీరైట్ లేకపోయినా.. భావనను, డైలాగ్ టోన్‌ను అనుకరిస్తోందని వారు అభిప్రాయపడుతున్నారు.

సల్మాన్ అభిమానులు మాత్రమే కాదు. సాధారణ ప్రేక్షకులు కూడా WAR 2 టీజర్ చూసిన వెంటనే, దీనిలో వైవిధ్యం లేదని కామెంట్లు చేస్తున్నారు. యశ్ రాజ్ ఫిలింస్ స్పై యూనివర్స్‌లో ఇది ఆరో చిత్రం కావడం, గత చిత్రాలతో పోలిస్తే ఇందులో కొత్తదనం తక్కువగా కనిపించడంతో విమర్శలు వెల్లువెత్తుతున్నాయి.

ఈ సినిమా *WAR (2019)*కు కొనసాగింపుగా వస్తోంది. హృతిక్ రోషన్ మరోసారి కబీర్ పాత్రలో కనిపించనున్న, జూనియర్ ఎన్టీఆర్ ప్రతినాయకుడిగా ఉన్నారని బలమైన వార్తలు ఉన్నాయి. అయితే టీజర్‌లో డైలాగ్ కాపీ వ్యవహారం, కొత్తదనం లేకపోవడంపై చర్చలు WAR 2 అంచనాలపై ప్రతికూల ప్రభావం చూపే అవకాశముంది.

WAR 2 డైరెక్టర్ అయాన్ ముఖర్జీ పైన కూడా ఒత్తిడి పెరుగుతోంది. ఆయన గతంలో బ్రహ్మాస్త్ర సినిమాతో మిశ్రమ ఫలితం అందుకున్నారు. ఇప్పుడు WAR 2 వంటి భారీ ప్రాజెక్ట్‌ను ఎలా నెగ్గిస్తారన్నదే ఇప్పుడు ప్రశ్నగా మారింది. టీజర్‌తోనే ఈ స్థాయి విమర్శలు రావడం చిత్ర బృందానికి హెచ్చరిక వంటిదని చెప్పాలి. ఇకపై చిత్ర ప్రచారంలో ఒరిజినాలిటీకి ప్రాధాన్యత ఇవ్వకపోతే, WAR 2 పై ప్రేక్షకుల ఆసక్తి తగ్గే ప్రమాదం ఉందన్నది స్పష్టంగా కనిపిస్తోంది.

Also Read..

హరిహర వీరమల్లు నుంచి ఆ సీన్లు డిలీట్