సెన్సార్ పూర్తి చేసుకున్న విష్ణు విన్యాసం.. రన్ టైం తెలిస్తే షాక్ అవ్వాల్సిందే

దిశ, వెబ్ డెస్క్ : శ్రీ విష్ణు, నవీన్ సారిక జంటగా విష్ణు విన్యాసం అనే చిత్రం రూపొందింది. ఈ సినిమాని ఫిబ్రవరి 27వ తేదీన విడుదల చేయనున్నారు. ఈ కామెడీ ఎంటర్టైనర్ కి సంబంధించిన విడుదల తేదీ దగ్గర పడడంతో, తాజాగా ఈ మూవీ బృందం వారు సెన్సార్ను పూర్తి చేశారు. అలాగే రన్ టైంను కూడా ఖరారు చేశారు. తాజాగా ఈ సినిమా రన్ టైంకు సంబంధించిన అధికారిక ప్రకటనను విడుదల చేశారు.

కేవలం 1 గంట 59 నిమిషాల నిడివితో విష్ణు విన్యాసం మూవీ ప్రేక్షకుల ముందుకు రానున్నట్లు, ఆ రన్ టైం మొత్తం కూడా ప్రేక్షకులు కడుపుబ్బా నవ్వుకుంటారని ఈ మూవీ మేకర్స్ అధికారికంగా స్టేట్మెంట్ ఇచ్చారు. ఇక ఈ సినిమాకు సెన్సార్ బోర్డు నుండి యూ/ఏ సర్టిఫికెట్ లభించినట్లు తెలుస్తోంది. ఈ సినిమా తక్కువ రన్ టైంతో ప్రేక్షకుల ముందుకు రానుండడం, శ్రీ విష్ణు కూడా ఈ సినిమా ఫుల్ కామెడీతో నిండిపోయి ఉంటుందని చెప్పడంతో ప్రస్తుతానికి తెలుగు ప్రేక్షకులు ఈ సినిమాపై మంచి అంచనాలు పెట్టుకున్నారు. యదునాథ్ మారుతీరావు ఈ చిత్రానికి దర్శకత్వం వహించాడు.