విజయ్ - రష్మికలకు సాయంత్రం మళ్లీ పెళ్లి.. ఎందుకో తెలుసా?
ఈరోజు సాయంత్రం 4 గంటల 30 నిమిషాలకు కొడవ సంప్రదాయం ప్రకారం మరోసారి విజయ్ - రష్మిక వివాహ వేడుక జరగనుంది.
దిశ, వెబ్ డెస్క్ : విజయ్ దేవరకొండ - రష్మిక మందన చాలా కాలంగా ప్రేమలో ఉన్నారు. వీరిద్దరూ బహిరంగంగా తాము ప్రేమలో ఉన్నామని చెప్పకపోయినా, అనేకసార్లు వీరిద్దరూ ఒకే చోట ఉన్నారని తెలిపే విధంగా ఫోటోలు సోషల్ మీడియాలో వైరల్ అయ్యాయి. దానితో జనాలు ఈ ఇద్దరూ ప్రేమలో ఉన్నారనే అభిప్రాయానికి వచ్చారు. కొంత కాలం క్రితం తాము ప్రేమలో ఉన్నట్లు, వివాహం చేసుకోబోతున్నట్లు కూడా ప్రకటించారు. ఇక ఈరోజు ఉదయపూర్లో ఉదయం 10 గంటల 10 నిమిషాలకు అత్యంత తక్కువ మంది మధ్యలో వీరిద్దరి వివాహం ఎంతో ఆనందంగా జరిగింది.
సినీ పరిశ్రమకు సంబంధించిన చాలా తక్కువ మందే ఈ పెళ్లికి హాజరయ్యారు. మరికొన్ని రోజుల్లోనే చాలా గ్రాండ్గా రిసెప్షన్ ఉండబోతున్నట్లు, దానికి ఇండస్ట్రీకి సంబంధించిన అనేకమంది హాజరు కాబోతున్నట్లు తెలుస్తోంది. ఇక ఉదయం వీరి వివాహం జరగడంతో చాలామంది వీరి పెళ్లికి సంబంధించిన తంతు పూర్తయిందని అనుకుంటున్నారు. కానీ మరోసారి వీరిద్దరికీ పెళ్లి జరగబోతున్నట్లు తెలుస్తోంది.
మళ్లీ పెళ్లి ఎందుకు అనుకుంటున్నారా? సాయంత్రం 4 గంటల 30 నిమిషాలకు కొడవ సంప్రదాయం ప్రకారం మరోసారి విజయ్ - రష్మిక వివాహ వేడుక జరగనుంది. ఇక వీరిద్దరూ కలిసి మొదటిసారిగా గీత గోవిందం అనే చిత్రంలో నటించారు. ఈ సినిమా సమయంలోనే వీరి పరిచయం ప్రేమగా మారింది. ఆ తర్వాత డియర్ కామ్రేడ్ లో కలిసి నటించారు. ప్రస్తుతం వీరిద్దరి కాంబినేషన్లో రణబాలి అనే చిత్రం తెరకెక్కుతుంది. దీనిపై ప్రేక్షకుల్లో మంచి అంచనాలున్నాయి.
