‘దిల్ రాజు లక్షలాది మంది కలలు నిజం చేస్తున్నారు’.. నిర్మాతపై విజయ్ దేవరకొండ పొగడ్తల వర్షం

దిశ, వెబ్‌డెస్క్: విజయ్ దేవరకొండ (Vijay Deverakonda) క్రేజ్ గురించి ప్రత్యేకంగా చెప్పాల్సిన అక్కర్లేదు. నువ్విలా, లైఫ్ ఈజ్ బ్యూటిఫుల్ మూవీలో సైడ్ క్యారెక్టర్ రోల్లో అవకాశాలు దక్కించుకుని.. మంచి గుర్తింపు దక్కించుకున్నాడు. తర్వాత ఎవడే సుబ్రహ్మణ్యంలో కూడా నటించి మెప్పించాడు. పెళ్లి చూపులు సినిమాతో కథానాయకుడిగా ఎంట్రీ ఇచ్చాడు. మొదటి చిత్రంతోనే విజయ్ దేవరకొండ విమర్శకుల నుంచి ప్రశంసలు అందుకున్నాడు.

ఈ చిత్రం విజయ్ కెరీర్లోనే అతి పెద్ద హిట్గా నిలిచింది. తర్వాత 2017 లో ద్వారక మూవీలో చాన్స్ కొట్టేశాడు. కానీ ఈ సినిమా ఆశించిన అంత విజయాన్ని అందుకోలేకపోయింది. ఆ తర్వాత అదే సంవత్సరం అర్జున్ రెడ్డితో ప్రేక్షకుల ముందుకు వచ్చి తన నట విశ్వరూపంతో బాక్స్ ఆఫీసు రికార్డ్ సృష్టించాడు. ఆ చిత్రంతో పెద్ద స్టార్గా మారిపోయాడు. 2018 మొదట్లో వచ్చిన ఏ మంత్రం వేసావె లో నటించాడు. ఈ మూవీ కూడా బాక్సాఫీసు వద్ద ఫ్లాప్ టాక్ సొంతం చేసుకుంది.

మళ్ళీ అదే సంవత్సరంలో వచ్చిన గీత గోవిందంతో మరొక బిగెస్ట్ హిట్ అందుకున్నాడు. మళ్ళీ వెంటనే 2018లో నోటాతో మరొక పరాజయాన్ని చూశాడు. ఆ తర్వాత విజయ్ దేవరకొండ 2018 నవంబర్ 17న టాక్సీవాలాతో మరొక చక్కని విజయాన్ని అందుకున్నారు. తెలుగు రాష్ట్రాల్లో ఇప్పుడు విజయ్ దేవరకొండ ఒక సెన్సేషన్ అని చెప్పుకోవచ్చు. యూత్లో మంచి ఫాలోయింగ్ సంపాదించుకున్నాడు.

ఇకపోతే రౌడీ హీరో తాజాగా ఓ ఈవెంట్‌లో చేసిన కామెంట్లు సోషల్ మీడియాలో వైరల్ అవుతున్నాయి. దిల్ రాజు నాకు కాల్ ఎందుకు చేయాలనిపించిందో కానీ.. లక్షలాది మంది కలలు నిజం చేస్తున్నారు. ఇప్పటికే 14 మంది దర్శకుల్ని లాంచ్ చేశారని అన్నాడు. కాగా కెమెరా మెన్స్, యాక్టర్స్, డైరెక్టర్లు.. ఇంతమంది డ్రీమ్స్ ఫుల్‌ఫిల్ చేస్తున్నారు. కానీ ఆడిషన్ కు వెళ్లినప్పుడల్లా చాలా టెన్షన్ ఉండేదని. మళ్లీ ఎప్పుడు పిలుస్తారో? లేదో అని అనుకునేదని చెప్పుకొచ్చారు.