తమిళ బ్యానర్లో వరుణ్ కొత్త సినిమా
ప్రస్తుతం అందుతున్న సమాచారం ప్రకారం, వరుణ్ తేజ్ ఓ తమిళ బ్యానర్లో కొత్త తమిళ దర్శకుడితో తెలుగు, తమిళ భాషల్లో రూపొందబోయే చిత్రంలో నటించేందుకు సిద్ధమవుతున్నట్లు తెలుస్తోంది.
దిశ, వెబ్ డెస్క్: మెగా ప్రిన్స్ వరుణ్ తేజ్ గత కొంతకాలంగా వరుస ప్లాప్లతో కాస్త డీలా పడిపోయాడు. ప్రస్తుతం ఈయన కొరియర్ కనకరాజు చిత్రంతో పాటు బరి అనే సినిమాలో నటిస్తున్నాడు. ఈ రెండు సినిమాల షూటింగ్ల్లో పాల్గొంటూ బిజీగా ఉన్న ఈ నటుడు, చాలా సైలెంట్గా మరో సినిమాను కూడా ఓకే చేసే పనిలో ఉన్నట్లు తెలుస్తోంది. ప్రస్తుతం అందుతున్న సమాచారం ప్రకారం, వరుణ్ తేజ్ తాజాగా ఓ తమిళ బ్యానర్లో కొత్త తమిళ దర్శకుడితో తెలుగు, తమిళ భాషల్లో రూపొందబోయే చిత్రంలో నటించేందుకు సిద్ధమవుతున్నట్లు తెలుస్తోంది.
ప్రస్తుతం ఈ సినిమాకు సంబంధించిన చర్చలు కొనసాగుతున్నట్లు, అన్ని ఓకే అయితే తమిళ బ్యానర్లో డెబ్యూ డైరెక్టర్తో వరుణ్ తేజ్ తదుపరి సినిమా ఉండబోతున్నట్లు సమాచారం. ఇక కొరియర్ కనకరాజు చిత్రంలో రితికా నాయక్ హీరోయిన్గా నటిస్తుండగా, మెర్లపాక గాంధీ దర్శకత్వం వహిస్తున్నారు. యూవీ క్రియేషన్స్ బ్యానర్పై రూపొందుతున్న ఈ చిత్రానికి తమన్ సంగీతం అందిస్తున్నారు. అలాగే వరుణ్ తేజ్ నటిస్తున్న మరో చిత్రం బరికి యదు వంశీ దర్శకత్వం వహిస్తుండగా, పింక్ ఎలిఫెంట్ పిక్చర్స్ బ్యానర్పై నిహారిక నిర్మిస్తున్నారు. ఈ చిత్రాన్ని వచ్చే సంక్రాంతికి విడుదల చేయనున్నట్లు మేకర్స్ ఇప్పటికే ప్రకటించారు.
