Varun Tej: మెగా హీరో క్రేజీ ఫొటోస్.. ఒక్కో కామెంట్ ఒక్కో డైమండ్ అంతే
మెగా హీరో ప్రిన్స్ వరుణ్ తేజ్(Varun Tej) గురించి ప్రత్యేకంగా చెప్పాల్సిన పనిలేదు.
దిశ, వెబ్డెస్క్: మెగా హీరో ప్రిన్స్ వరుణ్ తేజ్(Varun Tej) గురించి ప్రత్యేకంగా చెప్పాల్సిన పనిలేదు. చివరిగా ఆయన నటించిన ‘మట్కా’(Matka) మాత్రం అనుకున్నంత విజయం సాధించలేకపోయింది. దీంతో మంచి బ్లాక్ బస్టర్ కల్ట్ కోసం తెగ కష్టపడుతున్నాడు. ఇందులో భాగంగా ఎన్నడూ ట్రై చేయని జోనర్తో మన ముందుకు రాబోతున్నాడు. ప్రస్తుతం ‘వీటీ-15’(VT-15) అనే వర్కింగ్ టైటిల్తో తెరకెక్కుతున్న మూవీలో నటిస్తున్నాడు. ఇక ఇండో - కొరియన్ హారర్ కామెడీ థ్రిల్లర్తో రాబోతున్న ఈ చిత్రానికి మేర్లపాక గాంధీ(Merlapaka Gandhi) దర్శకత్వం వహిస్తున్నాడు. ఫస్ట్ ఫ్రేమ్ ఎంటర్టైన్మెంట్స్ బ్యానర్తో అసోసియేట్ అవుతూ యూవీ క్రియేషన్స్(UV Creations) ఈ చిత్రాన్ని నిర్మిస్తోంది.
ప్రస్తుతం పోస్ట్ ప్రొడక్షన్ వర్క్ జరుగుతుంది. అయితే ఈ సినిమాలో యంగ్ బ్యూటీ రితిక నాయక్(Ritika Nayak) హీరోయిన్గా నటిస్తోంది. ఇక ఈ మూవీ విదేశాల్లో షూటింగ్ జరుపుకుంటుంది. ఈ క్రమంలో మెగా హీరో వరుణ్ తేజ్ పోస్ట్ వైరల్గా మారింది. తాజాగా వరుణ్ తన ఇన్స్టాలో ఓ పోస్ట్ షేర్ చేశాడు. అందులో మూవీటీమ్తో డిన్నర్ చేస్తున్న, వాళ్లతో కలిసి నవ్వుకుంటున్న సందర్భాలను షేర్ చేస్తూ.. ‘సీన్స్ బిహైండ్ ది సీన్స్’ అనే క్యాప్షన్ జోడించాడు. దీంతో ఈ పోస్ట్ కాస్త నెట్టింట వైరల్గా మారింది. ఇక వాటిని చూసిన నెటిజన్లు అసలు అక్కడ ఎలా కారు పెట్టావన్నా అని, ఇంత హ్యాపీగా ఎలా ఉన్నావన్నా అని రకరకాలుగా కామెంట్స్ చేస్తున్నారు.
