అల్లు అర్జున్ గురించి ఆసక్తికర వ్యాఖ్యలు చేసిన వడ్డే నవీన్
గత 10 ఏళ్లలో అత్యంతగా ఎదిగిన హీరోలలో అల్లు అర్జున్ మొదటి వరుసలో ఉంటాడని వడ్డే నవీన్ అభిప్రాయపడ్డారు.
దిశ, వెబ్ డెస్క్: తెలుగు సినిమా పరిశ్రమలో మంచి గుర్తింపును సంపాదించుకున్న వడ్డే నవీన్ చాలాకాలంగా సినిమాలకు దూరంగా ఉన్నాడు. తాజాగా ఈయన ‘ట్రాన్స్ఫర్ త్రిమూర్తులు’ అనే సినిమాలో ప్రధాన పాత్రలో నటించడమే కాకుండా ఈ చిత్రానికి నిర్మాతగానూ వ్యవహరించాడు. ఈ మూవీ జూన్ 19వ తేదీన విడుదల కానుంది. ఈ నేపథ్యంలో ఈయన వరుస ఇంటర్వ్యూలలో పాల్గొంటూ చిత్రాన్ని ప్రమోట్ చేస్తున్నాడు. అందులో భాగంగా తాజాగా ఈయన ఓ ఇంటర్వ్యూలో అల్లు అర్జున్ గురించి కొన్ని ఆసక్తికరమైన వ్యాఖ్యలు చేశాడు. తాజా ఇంటర్వ్యూలో భాగంగా వడ్డే నవీన్కు ఆఖరి పదేళ్లలో మీ ఉద్దేశంలో అద్భుతంగా ఎదిగిన హీరో ఎవరు అనే ప్రశ్న ఎదురయింది. దీనికి ఈ నటుడు అల్లు అర్జున్ అని సమాధానం ఇచ్చాడు.
అలాగే ప్రభాస్ హీరోగా రాజమౌళి ‘బాహుబలి’ చిత్రాన్ని రూపొందించాడు. దానిని ముందు నుంచే గ్లోబల్ చిత్రంగా ప్రమోట్ చేస్తూ వచ్చారు. అందుకు అనుగుణంగానే ఆ సినిమా కూడా పెద్ద స్థాయి విజయాన్ని అందుకుంది. ఇక రాజమౌళి లాంటి దర్శకుడు ఉండడంతో ఆ మూవీపై మొదటి నుంచే భారీ అంచనాలు ఉన్నాయి. ఆ అంచనాలకు, బడ్జెట్కు తగినట్లు సినిమా భారీ విజయాన్ని అందుకుంది. ఇక ‘పుష్ప’ సినిమాను మాత్రం కేవలం తెలుగు కోసమే రూపొందించారు. కానీ ఆ తర్వాత చాలా భాషల్లో విడుదల చేశారు. అది పెద్ద బ్లాస్ట్ అయింది. ఆ సినిమా భారీ విజయాన్ని అందుకోవడంతో అల్లు అర్జున్కు పెద్ద స్థాయిలో క్రేజ్ వచ్చింది. అందుకే నా అభిప్రాయం ప్రకారం 10 ఏళ్లలో బాగా ఎదిగిన హీరోల్లో అల్లు అర్జున్ మొదటి వరుసలో ఉంటాడని వడ్డే నవీన్ చెప్పుకొచ్చాడు.
