వృషకర్మ గ్లింప్స్ కు 24 గంటల్లో వచ్చిన స్పందన ఇదే

దిశ, వెబ్ డెస్క్: నాగ చైతన్య ప్రస్తుతం వృషకర్మ అనే చిత్రంలో హీరోగా నటిస్తున్నాడు. దీనికి కార్తీక్ దండు దర్శకత్వం వహిస్తుండగా, మీనాక్షి చౌదరి హీరోయిన్గా నటిస్తోంది. తండెల్ లాంటి భారీ విజయం తర్వాత నాగచైతన్య హీరోగా తెరకెక్కిన సినిమా కావడం, విరూపాక్ష వంటి బ్లాక్ బస్టర్ తర్వాత కార్తీక్ దర్శకత్వంలో రూపొందుతున్న చిత్రం కావడంతో దీనిపై మొదటి నుండి ప్రేక్షకుల్లో మంచి అంచనాలు ఉన్నాయి. నిన్న ఈ మూవీ బృందం ఈ సినిమాకు సంబంధించిన గ్లింప్స్ వీడియోను విడుదల చేసింది. దానికి జనాల నుండి మంచి స్పందన లభిస్తుంది. ఈ వీడియోకి విడుదలైన 24 గంటల్లో 5.81 మిలియన్ వ్యూస్, 188K లైక్స్ లభించాయి.

ఓవరాల్ గా చూసుకుంటే దీనికి జనాల నుండి మంచి స్పందన లభించింది. ఇక నిన్న ఈ మూవీ బృందం ఒక ఈవెంట్ను ఏర్పాటు చేసి పాత్రికేయులతో ముచ్చటించింది. అందులో భాగంగా నాగచైతన్య ఈ సినిమా కథను కార్తీక్ చెప్పిన విధానం నచ్చి ఈ మూవీకి ఒప్పుకున్నానని, ఇందులో నేనొక ట్రెజర్ హంట్ పర్సన్ గా కనిపించబోతున్నానని, ఇలాంటి పాత్ర చేయాలనే కోరిక నాకు చాలా కాలం నుండి ఉండేదని, ఇప్పటికీ ఆ కోరిక నెరవేరిందని ఆయన చెప్పుకొచ్చాడు. మరి ప్రేక్షకుల్లో మంచి అంచనాలు కలిగి ఉన్న ఈ చిత్రం ఏ స్థాయి విజయాన్ని అందుకుంటుందో చూడాలి.