రష్మిక కష్టం ప్రేక్షకులు గుర్తిస్తారు.. ప్రశంసలు కురిపించిన డ్యాన్స్ కొరియోగ్రాఫర్

దిశ, సినిమా: నేషనల్ క్రష్ రష్మిక మందన్న నటిస్తున్న లేటెస్ట్ మూవీ ‘మైసా’. రవీంద్ర పుల్లె దర్శకత్వంలో తెరకెక్కుతోన్న ఈ మూవీలో ఓ సాంగ్ కోసం డ్యాన్స్ కొరియోగ్రాఫర్ బృందా మాస్టర్ వర్క్ చేశారు. ఈ క్రమంలోనే రష్మిక కష్టాన్ని ప్రశంసిస్తూ.. తాజాగా బృందా ఇన్‌స్టాలో ఓ పోస్ట్ షేర్ చేశారు. ‘‘మైసా’లో సాంగ్ కోసం పని చెయ్యడం సంతోషంగా ఉంది. ఆ పాట కోసం రష్మిక చేసిన సాధన నిజంగా అద్భుతం. చిత్ర పరిశ్రమలో ఇంత శ్రమపడే, క్రమశిక్షణ, పట్టుదల ఉన్న హీరోయిన్‌ని చూడటం ఇదే తొలిసారి. నేను ఏ కరెక్షన్ ఇచ్చినా.. ఆమె నవ్వుతూ సరిదిద్దుకుంటారు. ఆమెలో ఉండే ఏకాగ్రత, నిబద్ధతే రష్మిక విజయాలకు ప్రధాన కారణం. ఆమె కష్టాన్ని ప్రేక్షకులు తప్పకుండా గుర్తిస్తారు. మైసాలో రష్మిక సృష్టించిన మ్యాజిక్ చూడటం కోసం నేను కూడా వెయిటింగ్’ అంటూ కొనియాడారు.