Srivishnu: నాకు ఇష్టమైన సింగర్ పాడిన పాట రాబోతుంది.. ఇంట్రెస్టింగ్ అప్‌డేట్ ఇచ్చిన హీరో

దిశ, సినిమా: యంగ్ హీరో శ్రీవిష్ణు (Srivishnu) నటిస్తున్న లేటెస్ట్ మూవీ ‘సింగిల్’ (Single). వెన్నెల కిశోర్ (Vennela Kishore) ప్రధాన పాత్రలో నటిస్తున్న ఈ సినిమాలో యంగ్ బ్యూటీస్ ఇవానా (Ivana), కేతిక శర్మ (Ketika Sharma) హీరోయిన్లుగా నటిస్తున్నారు. కార్తీక్ రాజు దర్శకత్వం వహిస్తున్న ‘సింగిల్’ చిత్రాన్ని అల్లు అరవింద్ (Allu Aravind) సమర్పణలో గీతా ఆర్ట్స్, కళా ఫిల్మ్స్‌పై విద్యా కొప్పినీడి, భాను ప్రతాప్, రియాజ్ చౌదరి సంయుక్తంగా నిర్మిస్తు్న్నారు. ఈ సినిమా నుంచి ఇప్పటికే వచ్చిన అప్‌డేట్స్ అన్నీ ఆకట్టుకోగా.. భారీ అంచనాల మధ్య మే 9న ప్రేక్షకుల ముందుకు వచ్చేందుకు సిద్ధం అవుతోంది.

ఈ క్రమంలోనే వరుస అప్‌డేట్స్ ఇస్తూ సందడి చేస్తున్నారు చిత్ర బృందం. ఇందులో భాగంగా.. తాజాగా ఈ చిత్రం నుంచి మూడో పాట (Third song) రాబోతున్నట్లు తెలిపారు చిత్ర బృందం. ఈ మేరకు శ్రీ విష్ణు తన సోషల్ మీడియా అకౌంట్ ట్విట్టర్ వేదికగా.. ‘మా మూడవ పాట ‘ప్రేమఇష్క్‌కాదల్’ రాబోతుంది. ఈ పాటను నాకు ఇష్టమైన సింగర్స్‌లో ఒకరైన సింగర్ కార్తిక్ పాడారు’ అంటూ చెప్పుకొచ్చింది. అయితే ఈ రోజు రాబోతుంది అని తెలిపాడు కానీ టైమ్ మాత్రం చెప్పలేదు. ప్రజెంట్ ఇందుకు సంబంధించిన పోస్టర్ నెట్టింట వైరల్ అవుతోంది.