సీనియర్ హీరోయిన్స్ రీఎంట్రీ.. కలిసొచ్చింది ఆమెకు మాత్రమే

దిశ, వెబ్ డెస్క్ : ఒకప్పుడు తెలుగు సినీ పరిశ్రమలో మంచి గుర్తింపును సంపాదించుకున్న వారు ఆ తర్వాత పెళ్లిళ్లు చేసుకొని, కొన్ని వ్యక్తిగత కారణాల వల్ల ఇండస్ట్రీకి దూరం అయిన వారు ఉన్నారు. అలాంటి వారిలో కొంతమంది ఈ మధ్యకాలంలో మళ్లీ సినిమాల్లోకి ప్రవేశించారు. కానీ అలా రీ ఎంట్రీ ఇచ్చిన వారిలో ఒకే ఒక్క ముద్దుగుమ్మను మినహాయిస్తే ఎవరికీ బాక్సాఫీస్ దగ్గర మంచి విజయం దక్కలేదు. మరి రీసెంట్ టైంలో రీ ఎంట్రీ ఇచ్చిన ఆ ముద్దుగుమ్మలు ఎవరు అనేది తెలుసుకుందాం.

లయ: ఈమె కొన్ని సంవత్సరాల వెనక్కు వెళ్లినట్లయితే క్లాస్ హీరోయిన్గా మంచి గుర్తింపును సంపాదించుకుంది. ఎన్నో విజయాలను అందుకొని తనకంటూ ఒక మంచి క్రేజ్ను సంపాదించుకుంది. కెరీర్ మంచి దశలో ముందుకు సాగుతున్న సమయంలోనే ఈమె సినిమాలకు గుడ్ బై చెప్పింది. తాజాగా ఈమె నితిన్ హీరోగా రూపొందిన 'తమ్ముడు' అనే చిత్రంతో రీ ఎంట్రీ ఇచ్చింది. కానీ ఈమెకు ఈ సినిమా ద్వారా బాక్సాఫీస్ దగ్గర నిరాశే మిగిలింది.

అన్షు అంబానీ: మన్మధుడు సినిమాతో యువత మనసు దోచుకున్న ఈ చిన్నది ఆ తర్వాత రాఘవేంద్ర సినిమాలో నటించింది. తక్కువ కాలంలోనే మంచి గుర్తింపును సంపాదించుకున్న ఈ నటి ఆ తర్వాత సినిమాలకు దూరం అయింది. కొంత కాలం క్రితం ఈమె సందీప్ కిషన్ హీరోగా రూపొందిన 'మజాకా' సినిమాతో ప్రేక్షకులను పలకరించింది. ఈ సినిమా బాక్స్ ఆఫీస్ దగ్గర ఫెయిల్యూర్ అయింది.

జెనీలియా: ఎంతో మంది టాలీవుడ్ స్టార్ హీరోల సరసన నటించిన ఈమె చాలా కాలం పాటు తెలుగు సినీ పరిశ్రమలో స్టార్ హీరోయిన్గా కెరీర్ను కొనసాగించింది. పెళ్లి, పిల్లల వల్ల సినిమాలకు చాలా కాలం దూరం అయింది. కొంతకాలం క్రితం ఈమె 'జూనియర్' అనే సినిమాతో ప్రేక్షకులను పలకరించింది. ఈ సినిమా బాక్స్ ఆఫీస్ దగ్గర ప్రేక్షకులను ఆకట్టుకోలేదు.

కామ్నా జఠ్మలానీ: టాలీవుడ్లో మంచి గుర్తింపును సంపాదించుకున్న ఈ చిన్నది చాలా కాలం పాటు సినిమాలకు దూరం అయింది. తాజాగా ఈమె 'కె- ర్యాంప్' అనే సినిమాతో ప్రేక్షకులను పలకరించి మంచి విజయాన్ని దక్కించుకుంది.