మరో సాలిడ్ ప్రాజెక్ట్‌తో వస్తున్న స్టార్ హీరో.. ప్రమాదకరంగా ఉండటమే బ్రతకడానికి ఏకైక మార్గమంటూ హైప్ పెంచుతున్న పోస్టర్..

దిశ, వెబ్‌డెస్క్: కోలీవుడ్ వెర్సటైల్ స్టార్ హీరో ధనుష్(Dhanush) హీరోగా నటించిన “కుబేర”(Kubera) చిత్రం థియేటర్లలో రిలీజ్ అయి బ్లాక్ బస్టర్ విజయం సాధించింది. మరోపక్క డైరెక్టర్‌గా కూడా మారి మంచి సినిమాలను అందిస్తున్నాడు. ఈ క్రమంలో తాజాగా మరో ఇంట్రెస్టింగ్ ప్రాజెక్ట్ అనౌన్స్ చేశాడు ఈ హీరో. ధనుష్ కెరీర్‌లో 54వ(D-54) సినిమాగా ఈ చిత్రం తెరకెక్కనుంది. ఇక దీనికి దర్శకుడు విగ్నేష్ రాజా(Vignesh Raja) దర్శకత్వం వహిస్తున్నట్లు తెలుస్తోంది. ఇక ఈ సినిమాను వేల్స్ ఫిల్మ్స్ ఎంటర్టైన్మెంట్స్ అలాగే థింక్ స్టూడియోస్ వారు నిర్మాణం వహిస్తుండగా.. జీవీ ప్రకాష్(GV Prakash) సంగీతం అందిస్తున్నారు.

అయితే తాజాగా ఈ చిత్రం నుంచి ఓ ఇంట్రెస్టింగ్ పోస్టర్‌‌ను రిలీజ్ చేస్తూ..‘కొన్నిసార్లు ప్రమాదకరంగా ఉండటమే బ్రతకడానికి ఏకైక మార్గం. #D54లో ధనుష్ ఈరోజు నుండి షూటింగ్‌లో పాల్గొంటాడు’ అని రాసుకొచ్చారు. ఇక పోస్టర్‌ను గమనించినట్లయితే.. ధనుష్ నిలబడి దిగాలుగా కనిపిస్తుండగా తన పత్తి పంట కాలిపోతున్న దృశ్యాలు కనిపిస్తున్నాయి. దీంతో ఈ సినిమాలో ధనుష్ ఒక రైతుగా కనిపిస్తాడని అనిపిస్తుంది. మొత్తానికి ధనుష్ మాత్రం మరో సాలిడ్ రూరల్ ఎమోషనల్ డ్రామాతో రాబోతున్నాడని పోస్టర్‌ను చూస్తే తెలుస్తోంది. Link