‘బాలన్ – ది బాయ్’ రిలీజ్ డేట్ వచ్చేసింది

దిశ, వెబ్ డెస్క్: మంజుమ్మెల్ బాయ్స్ చిత్ర దర్శకుడు చిదంబరం ప్రస్తుతం “బాలన్ ది బాయ్” అనే చిత్రానికి దర్శకత్వం వహిస్తున్నారు. కేవీఎన్ ప్రొడక్షన్స్, తెస్పియన్ ఫిలింస్ సంయుక్తంగా నిర్మిస్తున్న ఈ చిత్రానికి ‘ఆవేశం’ చిత్ర దర్శకుడు జితూ మాధవన్ కథ అందించారు. తాజాగా ఈ సినిమా బృందం విడుదల తేదీని అధికారికంగా ప్రకటించింది. ఈ చిత్రాన్ని జూన్ 19న మలయాళంతో పాటు తమిళ్, తెలుగు, హిందీ, కన్నడ భాషల్లో గ్రాండ్‌గా విడుదల చేయనున్నట్లు మేకర్స్ వెల్లడించారు. ప్రస్తుతం ఈ సినిమాపై మలయాళ ఇండస్ట్రీలో మంచి అంచనాలు నెలకొన్నాయి. అయితే తెలుగులో ఇంకా పెద్దగా హైప్ కనిపించడం లేదు. కానీ విడుదలకు ముందు వచ్చే ప్రచార చిత్రాలు ప్రేక్షకులను ఆకట్టుకుంటే తెలుగు మార్కెట్‌లో కూడా ఈ సినిమాపై అంచనాలు పెరిగే అవకాశం ఉందని సినీ విశ్లేషకులు భావిస్తున్నారు.