దీపావళి కానుకగా రాబోతున్న ‘బైసన్’ సినిమా.. బ్లాస్ట్ చేయడానికి మీ ముందుకు వచ్చేస్తున్నామంటూ ట్వీట్

దిశ, సినిమా: కోలీవుడ్ స్టార్ హీరో చియాన్ విక్రమ్ తనయుడు ధ్రువ్ విక్రమ్(Dhruv Vikram) బైసన్ కాలమదన్, ఆదిత్య వరమ, మహాన్ వంటి చిత్రాల్లో నటించి ఫుల్ ఫేమ్ సంపాదించుకున్నాడు. ప్రస్తుతం ఆయన నటిస్తున్న తాజా చిత్రం ‘బైసన్’(Bison). స్టోర్ట్స్ డ్రామాతో రాబోతున్న ఈ సినిమాను మారి సెల్వరాజ్ తెరకెక్కిస్తున్నారు. అయితే దీనిని నీలమ్ స్టూడియోస్ బ్యానర్‌పై సమీరా నాయర్, దీపక్ సాగల్, అతిది ఆనంద్, పా రంజిత్ నిర్మిస్తున్నారు. ఇందులో అనుపమ పరమేశ్వరన్(Anupama Parameswaran), రజిషా విజయన్ హీరోయిన్లుగా నటస్తున్నారు. ఇప్పటికే ‘బైసన్’ నుంచి విడుదలైన పోస్టర్స్ మంచి రెస్పాన్స్‌ను దక్కించుకున్నాయి. తాజాగా, మూవీ మేకర్స్ ‘బైసన్’ రిలీజ్ డేట్ ప్రకటించారు. షూటింగ్ శరవేగంగా జరుపుకుంటున్న ఈ సినిమా దీపావళి కానుకగా థియేటర్స్‌లోకి రాబోతున్నట్లు వెల్లడించారు. అక్టోబర్ 17న విడుదల కాబోతున్నట్లు తెలిపారు. ‘‘పండగ సీజన్ కోసం ఒక సినిమా.. సెలబ్రేషన్స్ కోసం ఒక చిత్రం.. బ్లాస్ట్ చేయడానికి ‘బైసన్’తో వచ్చేస్తున్నాం. దీపావళి సందర్భంగా ఈ అక్టోబర్ 17న ప్రేక్షకుల ముందుకు రానుంది. పట్టుదల, సంకల్పం, మనుగడ, చిత్రం’’ అనే క్యాప్షన్ జత చేశారు.

Click For Tweet..