ఆ సంస్థ చేతికి విష్ణు విన్యాసం తెలుగు రాష్ట్రాల హక్కులు

దిశ, వెబ్ డెస్క్ : శ్రీ విష్ణు హీరోగా నటిస్తున్న లేటెస్ట్ కామెడీ ఎంటర్టైనర్ "విష్ణు విన్యాసం". ఈ చిత్రంలో నయన్ సారిక హీరోయిన్ గా కనిపించబోతుంది. యదునాథ్ మారుతీరావు దర్శకత్వంలో రూపొందుతున్న ఈ చిత్రాన్ని శ్రీ సుబ్రహ్మణ్యేశ్వర సినిమా బ్యానర్ పై జి. సుమంత్ నాయుడు నిర్మిస్తున్నారు. ఇప్పటికే ఈ సినిమాకు సంబంధించిన కొన్ని పాటలను విడుదల చేశారు, అవి ఆడియన్స్ ను బాగా ఆకట్టుకున్నాయి. నిన్న ఈ మూవీ బృందం వారు ఈ సినిమాకు సంబంధించిన టీజర్ ను విడుదల చేశారు. దానికి హిలేరియస్ రెస్పాన్స్ జనాల నుండి లభిస్తుంది.

శ్రీ విష్ణు ప్రస్తుతం మంచి ఫామ్ లో ఉండడం, ఈ చిత్రం యొక్క ప్రచార చిత్రాలు బాగుండడంతో "విష్ణు విన్యాసం"పై ప్రేక్షకుల్లో మంచి అంచనాలు ఉన్నాయి. దాంతో ఈ సినిమాకు మంచి బిజినెస్ జరిగినట్లు తెలుస్తోంది. ఈ చిత్రం యొక్క రెండు తెలుగు రాష్ట్రాల థియేటర్ హక్కులు ఇప్పటికే అమ్ముడుపోయాయి. తాజాగా అందుకు సంబంధించిన అధికారిక ప్రకటన కూడా వెలువడింది. "విష్ణు విన్యాసం" యొక్క రెండు తెలుగు రాష్ట్రాల థియేటర్ హక్కులను రాధాకృష్ణ ఎంటర్టైన్మెంట్స్ సంస్థ వారు దక్కించుకున్నట్లు అధికారికంగా ప్రకటించారు. ఈ చిత్రాన్ని ఫిబ్రవరి 27వ తేదీన విడుదల చేయనున్నారు. మరి ఈ ఫుల్ లెన్త్ కామెడీ ఎంటర్టైనర్ బాక్స్ ఆఫీస్ దగ్గర ప్రేక్షకులను ఏ రేంజ్ లో ఆకట్టుకుంటుందో చూడాలి.