తెలుగులో ఒక్క సినిమా తీయని తమిళ బ్యూటీ.. తెలుగులో స్పీచ్ ఇవ్వడంతో నీకోసమైనా మూవీ చూస్తామంటున్న నెటిజన్లు

దిశ, సినిమా: తమిళ బ్యూటీ మీథా రఘునాధ్ ‘గుడ్ నైట్’ సినిమాతో అందరిని ఆకట్టుకుంది. ఇప్పుడు సిద్ధార్థ్ ‘3BHK’తో ప్రేక్షకుల ముందుకు రాబోతుంది. జూలై 4న రిలీజ్ కాబోతున్న ఈ సినిమాకు సంబంధించిన తాజాగా తెలుగు ట్రైలర్‌ను గ్రాండ్‌గా రిలీజ్ చేశారు చిత్ర బృందం. ఈ సందర్భంగా ఇప్పటి వరకు ఒక్క తెలుగు సినిమా కూడా తీయని తమిళ బ్యూటీ మీథా రఘునాధ్ తెలుగులో స్పీచ్ ఇచ్చి అందరిని ఆకట్టుకుంది. ‘అందరికి నమస్కారం.. నేను తెలుగులో మాట్లాడటానికి ట్రై చేస్తాను.. తప్పులు వస్తే క్షమించండి.. నా పేరు మీథా. నన్ను ‘గుడ్ నైట్’ సినిమాలో చూసి ఉంటారు. ఆ సినిమా పట్ల, నా క్యారెక్టర్ పట్ల మీరు చూపించిన ప్రేమకు చాలా ధన్యవాదాలు. ఒక స్కూల్ ట్రిప్ కోసం చిన్నప్పుడు మొదటిసారి హైదరాబాద్‌కు వచ్చాను.

ఇప్పుడు రెండోసారి మన ఫిలిమ్ 3BHK కోసం ఇక్కడికి రావడం నాకు చాలా సంతోషంగా ఉంది. 3BHK ఒక కళల కథ. ఇది మా కథ మాత్రమే కాదు మీ కథ.. మన అందరి కథ. ఈ సినిమాను మేము చాలా ప్రేమతో, హృదయపూర్వకంగా చేశాము. మీ ఫ్రెండ్స్ అండ్ ఫ్యామిలీస్‌తో కలిసి థియేటర్‌కు వచ్చి సినిమాను ఎంజాయ్ చేయండి. మీ అందరికి ఈ ఫిలిమ్ నచ్చుతుందని నమ్ముతున్నాను. ఈ సినిమా నాకు మరెన్నో తెలుగు సినిమాలు చేయడానికి ఒక మంచి స్టార్ట్ కావాలని ఆశిస్తున్నాను. దయచేసి సినిమా చూడండి సపోర్ట్ చేయండి’ అంటూ ఫుల్ తెలుగులో మాట్లాడే సరికి హీరో సిద్ధార్థ్‌తో పాటు అందరూ షాక్ అయ్యారు. ఇక ఈ వీడియో వైరల్ అవుతుండగా.. ‘కొంత మంది హీరోయిన్లు ఉంటారు ఎందుకో తెలియదు’ అని ‘మీ కోసం అయినా సినిమా థియేటర్‌కు వెళ్లి చూస్తాము’ అంటూ కామెంట్స్ చేస్తున్నారు నెటిజన్లు. Link