కోయంబత్తూరులో రామ్ చరణ్‌కు సర్జరీ.. తోడుగా మెగా ఫ్యామిలీ

దిశ, సినిమా: గ్లోబల్ స్టార్ రామ్ చరణ్ ఇటీవల ‘పెద్ది’ చిత్రంతో ప్రేక్షకుల ముందుకు వచ్చిన విషయం తెలిసిందే. అయితే.. ఈ సినిమా షూటింగ్ సమయంలో చరణ్ మణికట్టుకి గాయం కాగా.. ప్రమోషన్స్‌లో కూడా చేతికి కట్టుతోనే హాజరయ్యాడు. దీనికి సర్జరీ అవసరమవుతుందని అప్పట్లో వార్తలు రాగా.. చివరకు ఇప్పుడు రామ్ చరణ్ సర్జరీ చేయించుకుంటున్నాడు. ఈ సర్జరీ కోయంబత్తూరులోని ఓ ప్రైవేట్ ఆసుపత్రిలో సోమవారం జరగనుంది. ఇందుకోసం రామ్ చరణ్‌కు తోడుగా తల్లిదండ్రులు చిరంజీవి, సురేఖతో భార్య ఉపాసన కోయంబత్తూరుకు బయలుదేరారు. ప్రజెంట్ ఇందుకు సంబంధించిన వీడియో నెట్టింట వైరల్ అవుతుండగా.. రామ్ చరణ్ త్వరగా కోలుకోవాలి కోరుకుంటూ మెసేజులు చేస్తున్నారు ఫ్యాన్స్.