ఆ అవకాశం వదులుకుని ఇప్పటికీ బాధపడుతున్నా.. యంగ్ హీరోయిన్ ఇంట్రెస్టింగ్ కామెంట్స్

దిశ, సినిమా: టాలీవుడ్ యంగ్ హీరోయిన్ ప్రియా వడ్లమాని(Priya Vadlamani) ‘ప్రేమకు రెయిన్ చెక్’ సినిమాతో ఎంట్రీ ఇచ్చి తనకంటూ ప్రత్యేకమైన గుర్తింపు తెచ్చుకుంది. ఇక ‘హుషారు’(Husharu)మూవీతో అమ్మడు కుర్రాళ్ల క్రష్‌గా మారిపోయింది. ఆ తర్వాత శుభలేఖలు, వీరాంజనేయులు విహారయాత్ర(Veeranjaneyulu Vihara Yatra) వంటి మూవీస్ చేసి ప్రేక్షకులను అలరించింది. ఇటీవల ఈ అమ్మడు ‘బ్రహ్మా ఆనందం’ (Brahma Anandam)సినిమాతో వచ్చి తన నటనతో అందరినీ మంత్రముగ్ధులను చేసింది. ఈ క్రమంలో.. తాజాగా, ఓ ఇంటర్వ్యూలో పాల్గొని ఆసక్తికర కామెంట్స్ చేసింది.

‘‘కలర్ ఫొటో సినిమా చాన్స్ ముందు నాకే వచ్చింది. కానీ అది నాకు సరైన ప్రాజెక్ట్ అని అప్పుడు ఆలోచన తట్టలేదు. గైడ్ చేసే వారు కూడా లేరు. దీంతో ఏ సినిమా సెలెక్ట్ చేసుకోవాలి.. ఏది వదిలేయాలి అని అవగాహనలేకపోవడంతో అలా చేశాను. నేను అమ్మానాన్న కలిసి ఏదైనా నిర్ణయం తీసుకుంటాం. ఆ సమయంలో నాకు కొంచెం సమయం కావాలని చెప్పాను కానీ పల్లెటూరి అమ్మాయిలా సెట్ కానని మంచి ఆఫర్ వదులుకున్నా. అంత మంచి అవకాశాన్ని మిస్ చేసుకున్నా అని ఇప్పటికీ బాధపడుతున్నాను. నా జీవితంలో అదొక పెద్ద రిగ్రెట్’’ అని చెప్పుకొచ్చింది.