14వ మ్యారేజ్ యానివర్సరీ సెలబ్రేట్ చేసుకున్న స్టార్ కపుల్.. శుభాకాంక్షలు తెలుపుతున్న ఫ్యాన్స్

దిశ, వెబ్‌డెస్క్: ఐకాన్ స్టార్ అల్లు అర్జున్(Allu Arjun) గురించి ప్రత్యేకంగా చెప్పాల్సిన పనిలేదు. ‘గంగోత్రి’(Gangothri) సినిమాతో ఇండస్ట్రీకి ఎంట్రీ ఇచ్చి.. ఫస్ట్ మూవీతోనే విజయం సాధించాడు. ఆ తర్వాత ఎన్నో చిత్రాల్లో నటించి మెప్పించాడు. ఇక సుకుమార్(Sukumar) డైరెక్షన్‌లో వచ్చిన ‘పుష్ప’(Pushpa) మూవీతో పాన్ ఇండియా స్టార్ హీరోగా మారిపోయాడు. అలాగే ఈ చిత్రానికి సీక్వెల్‌గా వచ్చిన ‘పుష్ప-2’(Pushpa-2) సినిమాతో బ్లాక్ బస్టర్ విజయం సాధించడంతో పాటు కలెక్షన్ల సునామీ సృష్టించాడు.

అలాగే ఎన్నో రికార్డులను తిరగరాశాడు. ఇక ఈ మూవీ ప్రీమియర్ షో కి వెళ్లినప్పుడు సంధ్య థియేటర్ వద్ద జరిగిన తొక్కిసలాటలో రేవతి(Revathi) అనే మహిళ చనిపోగా అతని కుమారుడు హాస్పిటల్‌లో చికిత్స్ పొందుతున్నాడు. ఈ ఘటనలో బన్నీ జైలుకు కూడా వెళ్లాడు. ప్రస్తుతం త్రివిక్రమ్‌(Trivikram)తో ఓ సినిమా చేస్తున్నాడు. ఇక అతని పర్సనల్ లైఫ్ విషయానికి వస్తే.. స్నేహారెడ్డి(Sneha Reddy)ని ప్రేమించి 2011 మార్చి 6న ఆమెను బన్నీ పెళ్లి చేసుకున్నాడు.

ఇక ఈ జంటకు ఒక పాప, బాబు కూడా ఉన్నారు. వారి పేర్లు అయాన్(Ayan), అర్హ(Arha). అయితే నిన్న వీరి 14వ వివాహ వార్షికోత్సవం(మ్యారేజ్ యానివర్సరీ). దీంతో ఈ జంట తమ పెళ్లి రోజును తమ నివాసంలో నిర్వహించుకున్నారు. వివాహ వార్షికోత్సవాన్ని పురస్కరించుకుని కేక్ కట్ చేశారు. ప్రస్తుతం అందుకు సంబంధించిన ఫొటోలు సోషల్ మీడియాలో వైరల్ అవుతున్నాయి. ఇక వాటిని చూసిన నెటిజన్లు, ఫ్యాన్స్ ఈ కపుల్‌ను పెళ్లి రోజు శుభాకాంక్షలు తెలుపుతున్నారు.