పవన్ కల్యాణ్ సినిమాతో కమ్‌బ్యాక్ ఇవ్వనున్న హీరోయిన్.. ఆనందంలో ఫ్యాన్స్

దిశ, సినిమా: ఉస్తాద్ భగత్ సింగ్ చిత్రంతో మంచి కమ్ బ్యాక్ ఇవ్వడానికి సిద్ధం అవుతోంది శ్రీలీల. ‘పెళ్లి సందD’ చిత్రంతో ఇండస్ట్రీకి ఎంట్రీ ఇచ్చిన ఈ యంగ్ బ్యూటీ.. మొదటి మూవీతోనే సూపర్ హిట్ సక్సెస్ అందుకుని టాలీవుడ్‌లో మోస్ట్ వాంటెండ్ హీరోయిన్‌గా మారిపోయింది. దీంతో వరుస ఆఫర్లు అందుకుంటూ బ్యాక్ టు బ్యాక్ మూవీలు చేసింది. అయితే గత కొద్ది కాలంగా శ్రీలీల చేసిన సినిమా వరుస పరాజయాలు ఎదుర్కొవడంతో ఫ్యాన్స్ నిరాశ వ్యక్తం చేస్తున్నారు. కానీ ఈసారి మాత్రం ఈ యంగ్ బ్యూటీ మంచి కమ్ బ్యాక్ ఇవ్వనున్నట్లు మాట్లాడుకుంటున్నారు సినీ వర్గాలు.

శ్రీలీల నటిస్తున్న తాజా చిత్రం ఉస్తాద్ భగత్ సింగ్. పవర్‌స్టార్ పవన్ కల్యాణ్, డైరెక్టర్ హరీశ్ శంకర్ కాంబినేషనల్‌లో వస్తున్న ఈ హైఓల్టెడ్ మూవీపై అంచనాలు తారాస్థాయిలో ఉన్నాయి. షూటింగ్ పూర్తిచేసుకున్న ఈ చిత్రం మార్చి 26న ప్రపంచవ్యాప్తంగా భారీస్థాయిలో విడుదల చేయనున్నట్లు తెలిపారు. ఇందులో శ్రీలీల, రాశిఖన్నా హీరోయిన్లుగా నటిస్తుండగా.. బలమైన ప్రమోషన్లు అండ్ బ్లాక్ బస్టర్ అంచనాలతో బాక్సాఫీస్ వద్ద భారీ వసూళ్లకు సిద్ధంగా ఉంది. దీంతో ఇది శ్రీలీలకి కెరీర్‌ని మార్చే అవకాశం కావచ్చని.. ఈ సినిమా ఆమెకు బ్లాక్ బస్టర్ హిట్ & న్యూ కమ్ బ్యాక్‌ను ఇస్తుందని అభిమానులు నమ్ముతున్నారు.