మనమే ఈ క్షణాన్ని ఆపొచ్చు.. కెమిస్ట్రీతో ఆకట్టుకుంటోన్న రామ్, భాగ్యశ్రీ

దిశ, సినిమా: ఎనర్జిటిక్ స్టార్ రామ్ పోతినేని మోస్ట్ ఎవైటెడ్ యూనిక్ ఎంటర్‌టైనర్ 'ఆంధ్రా కింగ్ తాలూకా'. పాన్ ఇండియా నిర్మాణ సంస్థ మైత్రిమూవీ మేకర్స్ నిర్మిస్తున్న ఈ చిత్రం నవంబర్ 28న థియేటర్లలో విడుదల కానుంది. మహేశ్ బాబు పి దర్శకత్వం వహిస్తున్న ఈ చిత్రంలో భాగ్యశ్రీ బోర్సే కథానాయికగా నటిస్తుండగా, కన్నడ సూపర్‌స్టార్ ఉపేంద్ర కీలక పాత్ర పోషిస్తున్నారు. ఇటీవల విడుదలైన టీజర్‌కు అద్భుతమైన స్పందన రాగా.. మొదటి రెండు పాటలు చార్ట్ బస్టర్ హిట్స్ అయ్యాయి. ఇప్పుడు ఇదే జోష్‌లో తాజాగా థర్డ్ సింగిల్ 'చిన్ని గుండెలో' విడుదల చేశారు మేకర్స్. రాత్రి సముద్రతీరంలో హీరో, హీరోయిన్ ఇద్దరూ ఇసుకపై నక్షత్రాలను చూస్తూ చల్లని గాలిని ఆస్వాదిస్తున్నట్లు కనిపిస్తున్న ఈ సాంగ్ ప్రజెంట్ ఆడియన్స్‌ను ఆకట్టుకుంటోంది. సమయం వేగంగా సాగిపోతుందనే ఆందోళనతో హీరోయిన్ మాట్లాడగా.. హీరో ‘మనమే ఈ క్షణాన్ని ఆపొచ్చు’ అని చెబుతాడు. అప్పుడు పాట మొదలవగా.. సాంగ్ ప్రేక్షకులను ఒక మ్యాజికల్ ప్రపంచంలోకి తీసుకెళ్తుంది.