జోరు పెంచిన శ్రీ విష్ణు.. చేతిలో ఏకంగా నాలుగు సినిమాలు

దిశ, వెబ్ డెస్క్: తెలుగు సినిమా పరిశ్రమలో అద్భుతమైన జోష్‌తో కెరీర్‌ను ముందుకు సాగిస్తున్న యువ నటుల్లో శ్రీ విష్ణు ఒకరు. ఈయన ఈ సంవత్సరం కేవలం వారం గ్యాప్‌లోనే విష్ణు విన్యాసం, మృత్యుంజయ్ అనే రెండు సినిమాలతో ప్రేక్షకుల ముందుకు వచ్చాడు. ఈ రెండు సినిమాలు కూడా మంచి ప్రేక్షకాదరణ పొందాయి. ఇక ప్రస్తుతం ఈయన చేతిలో ఏకంగా నాలుగు చిత్రాలు ఉన్నాయి. ప్రస్తుతం సితార ఎంటర్టైన్మెంట్ బ్యానర్‌లో సన్నీ సంజయ్ అనే చిత్రంలో హీరోగా నటిస్తున్నాడు. ఈ మూవీకి సంబంధించిన షూటింగ్ ఆల్మోస్ట్ సగానికి పైగా పూర్తి అయినట్లు తెలుస్తోంది.

ఈ సినిమాతో పాటు ప్రస్తుతం రామ్ అబ్బరాజు దర్శకత్వంలో మరో సినిమాలో కూడా నటిస్తున్నాడు. ఆ సినిమా షూటింగ్ కూడా శరవేగంగా జరుగుతోంది. ఈ రెండు సినిమాలను ఈ ఏడాది రిలీజ్ చేసే ప్లాన్‌లో శ్రీ విష్ణు ఉన్నట్లు తెలుస్తోంది. శ్రీ విష్ణు ప్రస్తుతం భాను భోగవరపు, పవన్ బసంశెట్టిలతో కూడా చర్చలు జరుపుతున్నట్లు, అన్ని సానుకూలంగా జరిగితే ఈ ఇద్దరితో కూడా ఈ ఏడాది సినిమాలు స్టార్ట్ చేసే ఆలోచనలో ఈ యువ హీరో ఉన్నట్లు తెలుస్తోంది. ఇలా వరుస సినిమా షూటింగ్స్‌లో పాల్గొనడం మాత్రమే కాకుండా అనేక సినిమాలను ఓకే చేస్తూ శ్రీ విష్ణు ప్రస్తుతం జెట్ స్పీడ్‌లో దూసుకుపోతున్నాడు.