డ్రెస్ మార్చుకుంటుండగా ప్రొడ్యూసర్ షాకింగ్ పని.. స్టార్ నటి సంచలన వ్యాఖ్యలు

దిశ, వెబ్ డెస్క్: సీనియర్ స్టార్ హీరోయిన్ రాధా ప్రశాంతి గురించి ప్రత్యేక పరిచయం అవసరం లేదు. ఎన్నో చిత్రాల్లో నటించి ప్రేక్షకుల్లో మంచి గుర్తింపును సంపాదించుకున్న ఈమె తాజాగా ఓ ఇంటర్వ్యూలో చేసిన వ్యాఖ్యలు ఇప్పుడు ఇండస్ట్రీలో చర్చనీయాంశంగా మారాయి. తాజాగా రాధా ప్రశాంతి మాట్లాడుతూ... తాను చాలా సంవత్సరాల క్రితం ‘ఎర్ర సూర్యుడు’ అనే సినిమాలో నటించిన విషయాన్ని గుర్తు చేసుకుంది.

ఆ సినిమా షూటింగ్ జరుగుతున్న సమయంలో తాను ఓ గదిలో డ్రెస్ మార్చుకోవడానికి వెళ్లానని, ఆ సమయంలో అక్కడ ఉన్న ఓ ప్రొడక్షన్ మేనేజర్ తాను డ్రెస్ మార్చుకుంటున్న గది తలుపును అకస్మాత్తుగా తెరిచాడని చెప్పింది. దాంతో వెంటనే తాను తలుపు మూసి, “నేను బట్టలు మార్చుకుంటున్నాను” అని చెప్పానని, అయినప్పటికీ ఆయన వినకుండా పదే పదే తలుపు కొడుతూ ఉన్నాడని తెలిపింది.

ఎందుకు ఇలా తలుపు కొడుతున్నారు అని అడిగితే, అవుట్‌డోర్ షూటింగ్స్‌లో చెట్ల పక్కన కూడా బట్టలు మార్చుకోవాల్సి వస్తుందని, ఇలాంటి సౌకర్యాలు ఎప్పుడూ ఉండవని సమాధానం ఇచ్చాడని ఆమె పేర్కొంది. ఇక ఆ సినిమా సమయంలో ప్రొడక్షన్ మేనేజర్‌గా ఉన్న ఆ వ్యక్తి ప్రస్తుతం ఇండస్ట్రీలో స్టార్ ప్రొడ్యూసర్‌గా ఎదిగినట్లు ఈ నటి చెప్పుకొచ్చింది. అయితే ఆయన పేరు మాత్రం ఈ సీనియర్ నటి వెల్లడించలేదు. తాజాగా రాధా ప్రశాంతి చేసిన ఈ వ్యాఖ్యలు సోషల్ మీడియాలో పెద్ద ఎత్తున వైరల్ అవుతున్నాయి.