ధురంధర్ నుండి షాకింగ్ అప్‌డేట్.. అన్ని గంటల రన్ టైంతో డైరెక్టర్ కట్ రెడీ

దిశ, వెబ్ డెస్క్: ఈ మధ్యకాలంలో ప్రపంచవ్యాప్తంగా పెను సంచలనం సృష్టించిన ఇండియన్ చిత్రాలలో ధురంధర్ మరియు ధురంధర్ : ది రివెంజ్ చిత్రాలు ముందు వరుసలో నిలిచాయి. పోయిన సంవత్సరం డిసెంబర్ 5న కేవలం హిందీలో మాత్రమే విడుదలైన ధురంధర్ మొదటి భాగం 1000 కోట్లకు పైగా కలెక్షన్లు సాధించి భారీ విజయాన్ని అందుకుంది. ఈ విజయంతో రెండవ భాగంపై ప్రేక్షకుల్లో భారీ స్థాయిలో అంచనాలు ఏర్పడ్డాయి. అలా తారాస్థాయి అంచనాల మధ్య మార్చ్ 19న విడుదలైన ‘ధురంధర్: ది రివెంజ్’ చిత్రానికి కూడా బ్లాక్‌బస్టర్ టాక్ రావడంతో, ఇప్పటికే భారీ కలెక్షన్లతో ముందుకు దూసుకెళ్తోంది.

ఇలాంటి సమయంలో తాజాగా ఈ సినిమాకు సంబంధించిన ఓ క్రేజీ అప్డేట్ బయటకు వచ్చింది. ‘ధురంధర్’ మరియు ‘ధురంధర్: ది రివెంజ్’ చిత్రాలకు సంబంధించిన 7 గంటల 30 నిమిషాల ఎక్స్టెండెడ్ డైరెక్టర్ కట్ విడుదల చేయనున్నట్లు సమాచారం. ఈ ఎక్స్టెండెడ్ వెర్షన్‌కు సంబంధించిన సెన్సార్ కార్యక్రమాలు కూడా పూర్తయ్యినట్లు తెలుస్తోంది. అయితే ఈ ఎక్స్టెండెడ్ డైరెక్టర్ కట్ ను కేవలం DC, IMAX, HDR మరియు EPIQ ఫార్మాట్లలో మాత్రమే విడుదల చేయబోతున్నట్లు సమాచారం. ఈ చిత్రంలో బాలీవుడ్ స్టార్ హీరో రణవీర్ సింగ్ ప్రధాన పాత్రలో నటించగా, ప్రముఖ దర్శకుడు ఆదిత్య ధర్ ఈ చిత్రానికి దర్శకత్వం వహించారు.