Sekhar Kammula: రెండు కథలపై కసరత్తు.. కల్ట్ క్లాసిక్పై కన్ను
Sekhar Kammula: ప్రస్తుతం ఈ దర్శకుడు రెండు కథలపై పనిచేస్తున్నట్లు తెలుస్తోంది. అందులో ఒకటి ఫైనల్ అయ్యాక ఆ స్టోరీని బట్టి హీరోను సెలెక్ట్ చేసుకోబోతున్నట్లు సమాచారం.
దిశ, వెబ్ డెస్క్ : టాలీవుడ్ ఇండస్ట్రీలో మంచి గుర్తింపు కలిగిన దర్శకులలో శేఖర్ కమ్ముల ఒకరు. ఈయన ఇప్పటివరకు చాలా సినిమాలకు దర్శకత్వం వహించారు. ఎక్కువ శాతం క్లాస్ ఎంటర్టైనర్ చిత్రాలతోనే ఈ దర్శకుడికి విజయాలు దక్కాయి. మొట్టమొదటిసారి శేఖర్ కమ్ముల తన పంథాకి కాస్త విరుద్ధంగా కుబేర చిత్రాన్ని రూపొందించాడు. ఈ మూవీ మంచి విజయాన్ని సొంతం చేసుకుంది. ఇందులో ధనుష్ హీరోగా నటించగా రష్మిక మందన హీరోయిన్గా నటించింది. నాగార్జున ఓ కీలకమైన పాత్రలో నటించాడు.
కుబేర సినిమా విడుదలయ్యి ఇప్పటికే చాలా రోజులు అవుతుంది. కానీ శేఖర్ తదుపరి మూవీకి సంబంధించిన అఫీషియల్ అనౌన్స్మెంట్ మాత్రం ఇప్పటివరకు రాలేదు. దానితో తన నెక్స్ట్ మూవీని ఏ హీరోతో చేస్తాడా అనే ఆసక్తి ఈ డైరెక్టర్ అభిమానుల్లో పెరిగిపోయింది. విశ్వసనీయ వర్గాల నుండి అందుతున్న సమాచారం ప్రకారం ఇప్పటివరకు శేఖర్ తన నెక్స్ట్ మూవీని ఎవరితో చేయాలి అనే దానిపై ఒక నిర్ణయానికి రాకపోయినా కూడా ఎలాంటి కథతో సినిమా చేయాలి అనే దానిపై మాత్రం ఒక స్పష్టతకు వచ్చినట్లు తెలుస్తోంది.
శేఖర్ ప్రస్తుతం రెండు కథలపై పనిచేస్తున్నట్లు, ఆల్మోస్ట్ ఈ రెండు కూడా తుది దశకు చేరినట్లు తెలుస్తోంది. అందులో ఒక స్టోరీ శేఖర్ కమ్ముల దర్శకత్వంలో రూపొంది తెలుగు సినీ పరిశ్రమలో క్లాసిక్ చిత్రాలలో ఒకటిగా నిలిచిన 'హ్యాపీ డేస్'కి కాస్త దగ్గరగా ఉండే అవకాశాలు ఉన్నట్లు సమాచారం. ఏదేమైనా కూడా ఈ రెండు కథల్లో ఏదో ఒకటి ఫైనల్ అయ్యాక దానికి ఏ హీరో అయితే బెటర్ అనేది డిసైడ్ అయ్యాకే ఆయనను శేఖర్ కమ్ముల అప్రోచ్ కాబోతున్నట్లు తెలుస్తోంది.
