కాయిన్కు ఒకవైపు మాత్రమే చూశారు.. ‘భోగి’పై సంపత్ నంది సూపర్ అప్డేట్
సంపత్ నంది మాట్లాడుతూ… ఈ ఏడాది ఇప్పటికే రెండు విజయాలను అందుకున్న శర్వానంద్ మరో విజయాన్ని కూడా ఖచ్చితంగా అందుకుంటాడని, ఈ సంవత్సరం పూర్తిగా శర్వానంద్ నామ సంవత్సరంగా నిలుస్తుందని ఈ దర్శకుడు చెప్పుకొచ్చాడు.
దిశ వెబ్ డెస్క్: ఏమైంది ఈ వేళ అనే రొమాంటిక్ ఎంటర్టైనర్ చిత్రంతో దర్శకుడిగా కెరీర్ ప్రారంభించిన సంపత్ నంది ఆ తర్వాత మాత్రం అలాంటి జానర్ సినిమాల వైపు వెళ్లలేదు. వరుసగా భారీ మాస్ యాక్షన్ ఎంటర్టైనర్ చిత్రాలను రూపొందిస్తూ మాస్ దర్శకుడిగా మంచి గుర్తింపు సంపాదించుకున్నారు. ప్రస్తుతం ఆయన శర్వానంద్ హీరోగా తెరకెక్కుతున్న ‘భోగి’ చిత్రానికి దర్శకత్వం వహిస్తున్నారు. శర్వానంద్ హీరోగా నటించిన ‘బైకర్’ సినిమా ఈరోజు విడుదలై మంచి టాక్ను సొంతం చేసుకుంది. ఈ సందర్భంగా మూవీ యూనిట్ ప్రత్యేక ఈవెంట్ నిర్వహించగా, అందులో సంపత్ నంది కూడా పాల్గొన్నారు.
ఈ ఈవెంట్లో భాగంగా ఆయన మాట్లాడుతూ… “భోగి సినిమా కోసం శర్వానంద్ గారిని చాలా రోజుల పాటు కలిశాను. ఆ సమయంలో ఆయన రోజుకు దాదాపు 30 కిలోమీటర్ల వరకు పరిగెత్తేవారు. ‘బైకర్’ సినిమా కోసం ఆయన ఎంత కష్టపడ్డారో నేను నా కళ్లారా చూశాను. సినిమా కోసం అవసరమైతే ఆయన వెయిట్ పెరగడం, తగ్గించడం చేస్తుంటారు. అంతలా డెడికేషన్తో ఆయన పనిచేస్తారని సంపత్ నంది తెలిపారు. అలాగే “ఈ సంవత్సరం ప్రారంభంలో ‘నారీ నారీ నడుమ మురారి’ సినిమాతో హిట్ అందుకున్న శర్వానంద్, ఇప్పుడు ‘బైకర్’తో మరో విజయాన్ని అందుకున్నారు.
‘భోగి’ సినిమాతో కూడా ఆయనకు మరో హిట్ దక్కుతుందని నమ్ముతున్నాను. ఈ సంవత్సరం పూర్తిగా శర్వానంద్ నామ సంవత్సరంగా నిలుస్తుంది.” అని చెప్పారు. “ఇప్పటివరకు ప్రేక్షకులు శర్వానంద్ను కాయిన్కు ఒకవైపు మాత్రమే చూసారు. ‘భోగి’ సినిమాతో ఆయన రెండో వైపు ఏమిటో అందరికీ తెలుస్తుంది.” అని చెప్పడంతో ఈ సినిమాపై ప్రేక్షకుల్లో అంచనాలు మరింతగా పెరిగాయి. కాగా ‘భోగి’ చిత్రంలో అనుపమ పరమేశ్వరన్, డింపుల్ హయాతి హీరోయిన్లుగా నటిస్తున్నారు. ఈ సినిమాను ఆగస్టు 28న విడుదల చేయనున్నట్లు మేకర్స్ ఇప్పటికే ప్రకటించారు.
