వెన్నెల వెలుగులా ‘వెన్నెల తునక’.. అనుపమ పరమేశ్వర్ సినిమా నుంచి సెకండ్ సింగిల్ అప్డేట్

దిశ, సినిమా: నేషనల్ అవార్డ్ విన్నింగ్ డైరెక్టర్ సతీష్ కాసెట్టి తెరకెక్కిస్తున్న లెటెస్ట్ సరికొత్త థ్రిల్లర్ మూవీ ‘మరీచిక’. రెజీనా కసాండ్రా, అనుపమ పరమేశ్వరన్, విరాజ్ అశ్విన్ ప్రధాన పాత్రల్లో నటిస్తున్న ఈ చిత్రం నుంచి ఇప్పటికే వచ్చిన ప్రతి అప్డేట్.. సినిమాపై ప్రేక్షకుల్లో క్యూరియాసిటీని నింపింది. అంతే కాకుండా.. రీసెంట్‌గా వచ్చిన ట్రైలర్ ఎమోషనల్, థ్రిల్లింగ్ ట్విస్టులు టర్నులతో ఆడియన్స్‌ను ఆకట్టుకుంది. ఇక ఈ చిత్రం ఈనెల 29న రిలీజ్‌కు సిద్ధం అవుతుండగా.. వరుస అప్డేట్స్ ఇస్తున్నారు మేకర్స్. ఈ క్రమంలోనే తాజాగా ఈ మూవీ నుంచి సెకండ్ సింగిల్ ‘వెన్నెల తునక’ రాబోతున్నట్లు ప్రకటించారు. ఈ మేరకు.. ‘వెన్నెల వెలుగులా అనిపించే మధురమైన రాగం.. మరీచిక నుంచి రెండవ సింగిల్ ‘వెన్నెల తునక’ మే 23న ఉదయం 11 గంటలకు విడుదల అవుతోంది’ అంటూ ఓ సరికొత్త పోస్టర్‌ను షేర్ చేశారు. కాగా.. చిలక ప్రొడక్షన్స్ బ్యానర్‌పై రాజీవ్ చిలక, మేఘా చిలక ఈ సినిమాను నిర్మిస్తున్నారు.