సేవ్ ద టైగర్స్ 3 రిలీజ్ డేట్ ఫిక్స్.. అఫీషియల్ అప్డేట్ ఇచ్చిన మేకర్స్

దిశ, సినిమా: ఓటీటీ లవర్స్‌ను కడుపుబ్బా నవ్వించడానికి మరోసారి వచ్చేస్తున్నారు ‘సేవ్ ద టైగర్స్ 3’. ఈసారి మూడు రెట్ల వినోదంతో మీ ముందుకు రాబోతున్నారు అంటూ ఇప్పటికే ఈ సినిమాపై అఫీషియల్ అనౌన్స్‌మెంట్ ఇచ్చిన విషయం తెలిసిందే. విడుదల చేసిన ఫస్ట్ లుక్ పోస్టర్‌కే మంచి రెస్పాన్స్ రాగా.. తాజాగా ట్రైలర్ రిలీజ్ చేశారు మేకర్స్. ‘రెండు లోకాలను ఢీకొట్టించిన ఒక గర్జన! దీన్ని దైవ సంకల్పం అనండి, లేక కేవలం విధి నిర్ణయం అనండి.. అందరి దృష్టినీ ఆకర్షించడానికి, పరిస్థితులను తలక్రిందులు చేయడానికి 'టైగర్స్ తిరిగి వచ్చారు!. కంప్లీట్ సక్సెస్ అందుకోవడానికి వారు సిద్ధంగా ఉన్నారు’ అంటూ ఓ సరికొత్త పోస్టర్‌ను రిలీజ్ చేస్తూ ట్రైలర్ విడుదల చేశారు. అలాగే.. జూన్ 19 నుండి జియో హార్ట్ స్టార్‌లో స్ట్రీమింగ్ కాబోతున్నట్లు విడదుల తేదీని కూడా ప్రకటించారు. కాగా.. బ్లాక్ బస్టర్ హిట్ అందుకున్న వెబ్ సిరీస్ ‘సేవ్ ద టైగర్స్’కు సీక్వెల్‌గా సేవ్ ద టైగర్స్ 2 రాగా.. ఇప్పుడు సేవ్ ద ట్రైగర్స్ అంటూ మూడో భాగం తీసుకొస్తున్నారు మేకర్స్. మహి వి రాఘవ్, ప్రదీప్ అద్వైతం సృష్టించిన ఈ వెబ్ సిరీస్ డిస్నీ ప్లస్ హాట్‌స్టార్‌లో స్ట్రీమ్ అవుతూ సృష్టించిన రికార్డులు అన్నీ ఇన్నీ కావు. ఎటువంటి అసభ్యత లేకుండా క్లీన్ కామెడీతో వచ్చి ఫ్యామిలీ ఆడియన్స్‌ను సైతం ఆకట్టుకుంది. దీంతో మొదటి సీజన్, రెండో సీజన్ ఊహించని విజయం సాధించగా ఇప్పుడు రాబోతున్న మూడో సీజన్‌పై కూడా ప్రేక్షకుల్లో భారీ అంచనాలు ఉన్నాయి.