స్పెషల్ లుక్లో ఆ రెండు అవార్డులు అందుకున్న సమంత.. ఫుల్ ఖుషీలో ఫ్యాన్స్.. పోస్ట్ వైరల్
స్టార్ హీరోయిన్ సమంత(Samantha) గురించి ప్రత్యేకంగా చెప్పాల్సిన పని లేదు. తన అందం, అభినయంతో అందరినీ ఆకట్టుకుంటుంది.
దిశ, వెబ్డెస్క్: స్టార్ హీరోయిన్ సమంత(Samantha) గురించి ప్రత్యేకంగా చెప్పాల్సిన పని లేదు. తన అందం, అభినయంతో అందరినీ ఆకట్టుకుంటుంది. ఇక ‘ఏమాయ చేసావే’(Ye Maya Chesave) సినిమాతో టాలీవుడ్ ఇండస్ట్రీకి ఎంట్రీ ఇచ్చి.. ఈ మూవీలో హీరోగా నటించిన అక్కినేని నాగచైతన్య(Naga Chaitanya)తో ప్రేమలో పడింది. అలా కొన్నేళ్లు ప్రేమించుకున్న వీరు పెద్దలను ఒప్పించి పెళ్లి కూడా చేసుకున్నారు. కానీ, మనస్పర్థలు రావడంతో విడాకులు తీసుకొని దూరంగా ఉంటున్నారు.
విడాకుల తర్వాత నాగచైతన్య రీసెంట్గా స్టార్ హీరోయిన్ శోభిత ధూళిపాళ(Shobhitha Dhulipala)తో డిసెంబర్లో రెండో పెళ్లి చేసుకున్నాడు . సమంత మాత్రం విడాకుల తర్వాత మయోసైటీస్(Myositis) అనే వ్యాధి బారిన పడడంతో సినిమాలకు బ్రేక్ ఇచ్చి.. హెల్త్ పై ఫోకస్ పెట్టింది. కాగా రీసెంట్గా ‘సిటాడెల్: హనీ బన్నీ’(Citadel: Honey Bunny) అనే వెబ్ సిరీస్తో మన ముందుకు వచ్చి మంచి మార్కులే కొట్టేసింది.
అలాగే సోషల్ మీడియా(Social Media)లో ఫుల్ యాక్టీవ్గా ఉంటూ తన ఫొటోస్, వ్యక్తిగత విషయాలను పంచుకుంటూ అభిమానులకు దగ్గరవుతూ ఉంటుంది. ఈ క్రమంలో ఈ భామ పోస్ట్ నెట్టింట వైరల్ అవుతోంది. తాజాగా సామ్ ఇన్స్టాగ్రామ్(Instagram) వేదికగా ఓ స్టోరీ పోస్ట్ చేసింది. అందులో ఈ బ్యూటీ చెన్నైలో బిహైండ్ వుడ్స్ నుంచి 2 హాల్ ఆఫ్ ఫేమ్ అవార్డులు అందుకున్న ఫొటోను షేర్ చేసింది.
ఇక ఈ అవార్డు వేడుకకు ఈ బ్యూటీ చీరలో హాజరైంది. చీరలో ట్రెడిషనల్ లుక్లో సూపర్గా కనిపిస్తుంది. ప్రస్తుతం ఇందుకు సంబంధించిన ఫొటోలు నెట్టింట వైరల్ అవుతున్నాయి. ఇక సామ్ రెండు అవార్డులు గెలుచుకోవడంతో ఆమె ఫ్యాన్స్ ఫుల్ ఖుషీ అవుతున్నారు. అంతేకాకుండా సోషల్ మీడియాలో ఈ భామకు కంగ్రాట్స్ చెబుతూ పలు కామెంట్స్ చేస్తున్నారు.
