రూ. 252 కోట్ల డ్రగ్స్ దందాలో బాలీవుడ్ భామలు.. ఆ ఇద్దరు హీరోయిన్ల అరెస్ట్ తప్పదా..?

దిశ, వెబ్ డెస్క్ : బాలీవుడ్ నటీనటులకు రూ. 252 కోట్ల డ్రగ్ రాకెట్‌తో సంబంధం ఉన్నట్లు అనుమానిస్తుంది ముంబై పోలీసుల యాంటీ నార్కాటిక్స్ సెల్. అండర్ వరల్డ్ ఫిగర్ దావూద్ ఇబ్రహీం సిండికేట్‌కు లింక్ ఉన్నట్లు.. దుబాయ్‌లోని అతని సహచరుడు సలీం డోలా ద్వారా ఈ నెట్ వర్క్ నడుస్తున్నట్లు గుర్తించారు. ఈ నెల అరెస్ట్ చేయబడిన తాహెర్ మర్చెంట్ అలియాస్ సలీం షైఖ్‌‌కు సంబంధించిన రిమాండ్ దరఖాస్తు డాక్యుమెంట్‌లో ఈ విషయాలు బయటపడ్డాయి. దుబాయ్‌తోపాటు ఇతర ఫారిన్ కంట్రీస్ నుంచి డ్రగ్స్ అందిస్తూ అంతర్జాతీయ మార్గాల ద్వారా సరఫరా చేస్తున్నట్లు తేలింది. లగ్జరీ, డ్రగ్-ఫ్యూల్డ్ పార్టీలకు డ్రగ్స్‌ను సరఫరా చేస్తున్నారని.. ఈ ఈవెంట్‌లలో హై-ప్రొఫైల్ సెలబ్రిటీ ఫిగర్స్ ఉన్నారని తెలుస్తోంది. విమానం, సముద్రం ద్వారా స్మగ్లింగ్‌ జరుగుతుందని.. ఫండ్స్ హవాలా ద్వారా లాండర్ చేయబడ్డాయని గుర్తించబడింది.

కాగా బాలీవుడ్ హీరోయిన్ శ్రద్ధా కపూర్, ఆమె సోదరుడు సిద్ధాంత్ కపూర్ ఈ హై ప్రొఫైల్ ఈవెంట్స్‌కు హాజరయ్యారని.. బాలీవుడ్ సెక్సీ బ్యూటీ నోరా ఫతేహీకి డ్రగ్స్ సరఫరాతో సంబంధం ఉందని అనుమానిస్తున్నారు. ఇన్‌ఫ్లుయెన్సర్ ఓర్రీ, ఫిల్మ్ మేకర్స్ అబ్బాస్ - ముస్తాన్, రాపర్ వరుణ్ మఠుర్ ఈవెంట్స్‌లో పాలగొన్నారని సమాచారం. కాగా ముంబై పోలీసులు త్వరలోనే వీఐపీలను స్టేట్మెంట్స్ కోసం పిలవనున్నారు. ఇది వారి పాత్రలపై లోతైన పరిశోధనకు దారితీస్తుంది.