RGV: దర్శకుడు రామ్గోపాల్ వర్మకు బిగ్ షాక్.. ఆ కేసులో మూడు నెలల జైలు శిక్ష
ప్రముఖ దర్శకుడు రామ్గోపాల్ వర్మకు బిగ్ షాక్ తగిలింది.
దిశ, వెబ్డెస్క్: ప్రముఖ దర్శకుడు రామ్గోపాల్ వర్మ (Ramgopal Varma)కు బిగ్ షాక్ తగిలింది. చెక్ బౌన్స్ కేసులో ముంబై (Mumbai)లోని అంధేరీ మెజిస్ట్రేట్ కోర్టు (Andheri Magistrate's Court) సంచలన తీర్పును వెలువరించింది. కేసులో రామ్గోపాల్ వర్మ (Ramgopal Varma)ను దోషిగా తేలుస్తూ 3 నెలల పాటు జైలు శిక్ష విధించింది. అయితే, గత ఏడేళ్లుగా చెక్ బౌన్స్ విచారణ జరుగుతుండగా.. వర్మ కోర్టుకు హజరుకావడం లేదు. దీంతో ఆగ్రహించిన కోర్టు ఆయనపై నాన్ బెయిలబుల్ (Non-Bailable) వారెంట్ జారీ చేసింది. రాబోయే మూడు నెలల్లో ఫిర్యాదుదారుడికి వర్మ రూ.3.72 లక్షల పరిహారం చెల్లించాలని, లేదంటే మరో 3 నెలలు సాధారణ జైలు శిక్ష అనుభవించాల్సి ఉంటుందని మెజిస్ట్రేట్ తీర్పును వెల్లడించారు. కాగా, 2018లో మహేష్చంద్ర మిశ్రా (Mahesh Chandra Mishra) అనే వ్యక్తి శ్రీ అనే కంపెనీ పేరుతో రామ్గోపాల్ వర్మపై చెక్ బౌన్స్ కేసులో పోలీసులకు ఫిర్యాదు చేశారు.
