వెండితెరకు హీరోగా డైరెక్టర్ ఎంట్రీ.. సినిమా రిలీజ్ డేట్

దిశ, సినిమా: ‘ఖైదీ’, ‘విక్రమ్’, ‘కూలీ’, ‘లియో’ లాంటి చిత్రాలతో దర్శకుడిగా మెప్పించిన లోకేశ్ కనగరాజ్.. ఇప్పుడు హీరోగా ఎంట్రీ ఇచ్చేందుకు సిద్ధమైన విషయం తెలిసిందే. అరుణ్ మాతేశ్వరన్ దర్శకత్వంలో ‘డిసి’ అనే టైటిల్‌తో తెరకెక్కుతోన్నఈ చిత్రాన్ని గతేడాదే అధికారికంగా ప్రకటించినప్పటికీ.. ఇప్పటి వరకు ఈ సినిమా నుంచి ఎలాంటి అప్డేట్స్ రాలేదు. ఈ క్రమంలోనే తాజాగా అదిరిపోయే అప్డేట్ ఇచ్చారు మేకర్స్. ‘వెండితెరపై సందడి చేయడానికి దేవదాస్ అండ్ చంద్ర సిద్ధంగా ఉన్నారు..! జులై 31న ప్రపంచవ్యాప్తంగా డిసి విడుదల కానుంది’ అంటూ పోస్టర్‌ను షేర్ చేశారు. సన్ పిక్చర్స్ నిర్మిస్తున్న ఈ మూవీలో బాలీవుడ్ బ్యూటీ వామికా గబ్బి హీరోయిన్‌గా నటిస్తుండగా.. అనిరుధ్ సంగీతం అందిస్తున్నాడు. డైరెక్టర్‌గా స్క్రీన్ ప్రజెంట్స్‌తో తనను తాను నిరూపించుకున్న డైరెక్టర్ లోకేశ్ కనగరాజ్.. ఇప్పుడు హీరోగా బిగ్ స్క్రీన్‌పై ఎలాంటి మ్యాజిక్ చేస్తాడో అని వెయిట్ చేస్తున్నారు నెటిజన్లు.