టాలీవుడ్‏లో రీ-రిలీజ్ ట్రెండ్.. ఒకేసారి 6 సినిమాలు..లిస్ట్ ఇదే!

దిశ, వెబ్ డెస్క్: టాలీవుడ్ ఇండస్ట్రీలో ప్రస్తుతం రీ-రిలీజ్ ట్రెండు కొనసాగుతున్న సంగతి తెలిసిందే. ఇలా రీ- రిలీజ్ అయిన ప్రతి సినిమా మంచి కలెక్షన్స్ రాబోతుంది. ముఖ్యంగా.. సినిమా రిలీజ్ అయిన సమయంలో చూడని అభిమానులు అందరూ... తమ అభిమాన హీరోల సినిమాలను రీ రిలీజ్ సమయంలో చూసి ఎంజాయ్ చేస్తున్నారు. ఈ నేపథ్యంలోనే ఖలేజా లాంటి సినిమాలు బంపర్ హిట్ అయ్యాయి.

ఇక ఈ నెల 28 నుంచి వచ్చే నెల 19వ తేదీ వరకు దాదాపు 6 సినిమాలు వరుసగా రీ- రిలీజ్ కాబోతున్నాయి. ఒకప్పుడు థియేటర్లలో అలాగే టీవీలలో ఈ సినిమాలను జనాలు ఏగబడి చూశారు. అందుకే అభిమానుల కోరిక మేరకు ఈ సినిమాలను మళ్లీ రిలీజ్ చేస్తున్నారు. ఈ లిస్టులో హనుమాన్ జంక్షన్ సినిమా కూడా ఉంది. ఈ సినిమా ఈ నెల 27వ తేదీన మళ్లీ రిలీజ్ కాబోతుంది. అలాగే జూలై 10వ తేదీన కుమారి 21F మూవీ రిలీజ్ అవుతుంది.

ఇక జూలై 11వ రవితేజ నటించిన మిరపకాయ సినిమా రీ రిలీజ్ కానుంది. జూలై 18న గజిని, ఏం మాయ చేసావే రెండు సినిమాలు కూడా రిలీజ్ కానున్నాయి. సమంత అలాగే అక్కినేని నాగచైతన్య ఇద్దరి ప్రేమకు ఏం మాయ చేసావే సినిమానే (Ye maya chesave) కారణం. అలాంటి సినిమా ఇప్పుడు మళ్లీ రిలీజ్ కానున్న నేపథ్యంలో.. అభిమానులు అందరూ ఎంతో ఆత్రుతగా ఈ సినిమా కోసం చూస్తున్నారు. ఇక వచ్చే నెల 19వ తేదీన వీడొక్కడే రీ-రిలీజ్ అవుతుంది.